اسلام آباد انتظامیہ کا پراپرٹی ویریفیکیشن سینٹر لانچ کرنے کا اعلان



Post Views:
4

اسلام آباد: اسلام آباد کیپیٹل ٹیریٹری (آئی سی ٹی) انتظامیہ نے پراپرٹی کی غیر قانونی خرید و فروخت کی روک تھام کیلئے پراپرٹی ویریفیکیشن سینٹر کے جلد قیام کا اعلان کردیا ہے۔

ڈپٹی کمشنر اسلام آباد حمزہ شفقات نے سماجی رابطوں کی ویب سائٹ ٹویٹر پر اِس پراپرٹی ویریفکیشن سینٹر کو لانچ کرنے کا اعلان کیا۔

اُن کا کہنا تھا کہ پراپرٹی کی خرید و فروخت کے خواہاں حضرات اس پراپرٹی ویرفیکیشن سینٹر سے متعلقہ پراپرٹی کی قانونی حیثیت کے بارے میں جان سکتے ہیں۔

تفصیلات کے مطابق اِس ویرفیکیشن سینٹر کا اگلے ہفتے باقاعدہ افتتاح کیا جائیگا۔

اسلام آباد انتظامیہ کے اس اقدام کو شہریوں کی جانب سے سراہا جارہا ہے جن کا کہنا ہے کہ اس اقدام سے ریئل اسٹیٹ سیکٹر میں شفافیت کا فروغ یقینی ہوگا۔

انتظامیہ کے مطابق ریئل اسٹیٹ ٹرانزیکشنز میں لوگ آئے روز دھوکہ دہی اور فراڈ کی شکایت کرتے دکھائی دیتے ہیں تاہم اس سینٹر کے قیام سے اُن شکایات کا ازالہ ممکن ہوسکے گا۔

 

مزید خبروں اور اپڈیٹس کے لیے وزٹ کیجئے گرانہ بلاگ۔




وزیر اعلیٰ پنجاب کی راوی اربن ڈویلپمنٹ پر کام کی رفتار تیز کرنے کی ہدایت



Post Views:
86

لاہور: وزیر اعلیٰ پنجاب نے راوی اربن ڈویلپمنٹ پر کام کی رفتار تیز کرنے کی ہدایت کرتے ہوئے کہا ہے کہ شجرکاری مہم کے تحت شہر میں 60 لاکھ  مزید پودے لگائے جائیں گے۔

وزیر اعلیٰ پنجاب سردار عثمان بزدار کی زیرِ صدارت راوی اربن ڈویلپمنٹ اتھارٹی کا اجلاس ہوا جس میں راوی ریور فرنٹ اربن ڈویلپمنٹ پراجیکٹ پر پیش رفت کا جائزہ لیا گیا۔

وزیر اعلیٰ نے کہا کہ پہلے مرحلے میں راوی ریور فرنٹ اربن ڈویلپمنٹ پراجیکٹ کیلئے 44 ہزار ایکڑ اراضی کا انتخاب کیا گیا ہے جس میں سے 6 ہزار ایکڑ اراضی پر انڈسٹریل زون بنایا جائے گا جبکہ وہاں 3 بیراج بھی تعمیر ہوں گے جن کی مدد سے تقریباً 6 لاکھ کیوسک پانی ذخیرہ کیا جاسکے گا۔

عثمان بزدار کا کہنا تھا کہ راوی ریور فرنٹ اربن ڈویلپمنٹ پراجیکٹ دریا کے کنارے بننے والا دنیا کا ایک منفرد اورلاثانی منصوبہ ہے۔

مزید خبروں اور اپڈیٹس کے لیے وزٹ کیجئے گرانہ بلاگ۔




ایل ڈی اے کا تجاوزات کی شکایات کے لیے ہیلپ لائن لانچ کرنے کا فیصلہ



Post Views:
60

لاہور: تجاوزات کے خلاف آپریشن میں مزید تیزی لانے کے لیے لاہور ڈیولپمنٹ اتھارٹی (ایل ڈی اے) نے خصوصی ہیلپ لائن لانچ کرنے کا فیصلہ کرلیا ہے۔

وائس چیئرمین ایل ڈی اے شیخ امتیاز محمود نے کہا کہ پنجاب انفارمیشن ٹیکنالوجی بورڈ نے اس ضمن میں سافٹ ویئر کی تیاری مکمل کرلی ہے تاہم آج کل کال ایجنٹس کی ہائرنگ کی جارہی ہے۔

اُنہوں نے کہا کہ یہ پراجیکٹ ایل ڈی اے کی ڈیجیٹآئزیشن کمیٹی نے شروع کیا تاکہ تجاوزات کے خلاف آپریشن میں تیزی لائی جائے۔

تفصیلات کے مطابق شکایت آنے کی صورت میں وہ متعلقہ افسر کے حوالے کی جائیگی۔ وہ افسر انتظامی مشینری کو بروئے کار لاتے ہوئے اُس شکایت کی تحقیق کریگا اور یوں اُس کا ازالہ کیا جائیگا۔

امتیاز محمود کا کہنا تھا کہ چونکہ یہ سارا پراسیس ڈیجیٹل ہوگا لہٰذا متعلقہ افسر کا کسی بھی شکایت کو نظر انداز کرنا ممکن نہیں ہوگا۔

مزید خبروں اور اپڈیٹس کے لیے وزٹ کیجئے گرانہ بلاگ۔




سندھ حکومت کا غیر قانونی صنعتوں کو رہائشی علاقوں سے منتقل کرنے کا فیصلہ



Post Views:
18

کراچی:  سندھ کے صوبائی وزیر اسماعیل راہو نے حکام کو ہدایات جاری کی ہیں کہ غیر قانونی صنعتوں کو رہائشی علاقوں سے باہر منتقل کرانے کے لیے فوری اقدامات اٹھائے جائیں۔

سندھ حکومت نے رہائشی علاقوں میں صنعتوں کا دوبارہ سروے کرنے اور ماحولیاتی امور کا جائزہ لینے کا فیصلہ کر لیا ہے۔

صوبائی وزیر نے اس ضمن میں حکام کو ہدایات جاری کی ہیں کہ صوبے میں تمام ریسٹورانٹس کی صفائی اور اندرونی ماحول کی بھی چیکنگ کی جائے۔

انہوں نے افسران کو احکامات دیتے ہوئے کہا کہ غیر قانونی صنعتوں کا ڈیٹا جمع کیا جائے اور غفلت برتنے والے افسران کے خلاف کارروائی کی جائے۔

مزید خبروں اور اپڈیٹس کے لئے وزٹ کیجئے گرانہ بلاگ۔




ڈویژنل کمشنر کا پشاور میں تجاوزات کیخلاف آپریشن شروع کرنے کا فیصلہ


Post Views:
4

پشاور: کمشنر پشاور ڈویژن ریاض خان محسود کی زیرِ صدارت اجلاس میں پشاور میں تجاوزات کیخلاف آپریشن شروع کرنے کا فیصلہ کیا گیا ہے۔

پشاور ڈیولپمینٹ اتھارٹی (پی ڈی اے) کا کہنا ہے کہ احیائے پشاور منصوبے کوعملی جامہ پہنانے کے لیے شہر کو تجاوزات سے پاک کرنا نہایت ضروری ہے.

صوبائی حکومت کے احکامات کی روشنی میں کمشنر پشاور ڈویژن ریاض خان محسود کی زیرِ صدارت احیائے پشاور منصوبے کو عملی جامہ پہنانے کے حوالے سے پونے والے اجلاس میں فیصلہ کیا گیا کہ احیائے پشاور منصوبہ کو عملی جامہ پہنانے کے لئے کوششوں کو مزید تیز کیا جائے گا۔

اس مقصد کے لئے تعمیراتی کام سے قبل پورے پشاور میں ایک ساتھ تجاوزات کے خلاف بھرپور آپریشن شروع کرنے کا فیصلہ کیا گیا جس کے لئے پشاور ڈیولپمینٹ اتھارٹی (پی ڈی اے)، ٹریفک پولیس اور چاروں ٹی ایم ایز کو اپنے اپنے علاقوں میں سروے مکمل کرنے اور ایک ہفتے میں رپورٹ پیش کرنے کے احکامات جاری کیے گئے۔

مزید خبروں اور اپڈیٹس کے لیے وزٹ کیجئے گرانہ بلاگ۔




پاکستان ڈیجیٹل سٹی ہری پور پر کام جلد شروع کرنے کا فیصلہ


Post Views:
3

ہری پور: ہری پور میں پاکستان کی پہلی ڈیجیٹل سٹی کے قیام پر کام جلد شروع کرنے کا اصولی فیصلہ کرلیا گیا ہے۔

تفصیلات کے مطابق ڈیجیٹل سٹی آئی ٹی سیکٹر میں حکومتِ خیبرپختونخوا کا ابھی تک کا سب سے بڑا منصوبہ ہے۔

یہ پراجیکٹ 88 کنال رقبے پر محیط ہے اور سینئر صوبائی وزیر برائے آئی ٹی عاطف خان کے مطابق یہ منصوبہ وفاقی حکومت کے ڈیجیٹل پاکستان ویژن کی تکمیل کی جانب ایک بڑا قدم ہے۔

اُنہوں نے کہا کہ پاکستان ڈیجیٹل سٹی آئی ٹی سے وابستہ ماہرین کے لئے ایک بڑی خوشخبری ہے جس کی تکمیل سے آئی ٹی برانڈز کو کم لاگت پر اچھا ماحول مہیا ہوگا۔

اُن کا کہنا تھا کہ بین الاقوامی کمپنیوں کو پاکستان ڈیجیٹل سٹی میں سرمایہ کاری کی باقاعدہ دعوت دی جائے گی جس سے صوبے میں آئی ٹی سرگرمیوں کا فروغ یقینی ہوگا۔

مزید خبروں اور اپڈیٹس کے لیے وزٹ کیجئے گرانہ بلاگ۔




اسٹیٹ بینک کا ترسیلات کے لیے موبائل ایپ لانچ کرنے کا فیصلہ


Post Views:
3

اسلام آباد: کابینہ کی اقتصادی رابطہ کمیٹی (ای سی سی) نے ترسیلات زر بڑھانے کے لیے موبائل ایپ متعارف کرنے کی منظوری دیدی ہے۔

یہ بھی فیصلہ کیا گیا ہے کہ نیشنل ریمٹنس لائلٹی پروگرام کے تحت اوورسیز پاکستانیوں کو مراعات دی جائیں گی۔

تفصیلات کے مطابق اسٹیٹ بینک اکتوبر کے آخر تک اِس ایپ کو جاری کرے گا۔

ای سی سی کا اجلاس وزیر خزانہ شوکت ترین کی زیر صدارت ہوا جس میں نیشنل ریمٹنس لائلٹی پروگرام کے مالی اثرات اور اسٹرکچر کی جانچ کی گئی۔

پروگرام کے مطابق اورسیز پاکستانیوں کے لیے اکتوبر کے آخر تک موبائل ایپ متعارف کروائی جائے گی جس کا مقصد ترسیلات زر کو فروغ دینے کے لیے ان کی حوصلہ افزائی کرنا ہے۔

مزید خبروں اور اپڈیٹس کے لیے وزٹ کیجئے گرانہ بلاگ۔




وفاقی کابینہ نے سی ڈی اے کو تجاوزات مسمار کرنے کے احکامات جاری کردیئے


Post Views:
1

اسلام آباد: وفاقی کابینہ نے کیپیٹل ڈیولپمنٹ اتھارٹی (سی ڈی اے) کو اسلام آباد میں تمام تر تجاوزات مسمار کرنے کے احکامات جاری کردیئے۔

چیئرمین سی ڈی اے عامر احمد علی نے گزشتہ روز وفاقی کابینہ کو اسلام آباد کے سیکٹر ای ایٹ اور ای نائن میں تجاوزات کے خلاف آپریشن پر بریفنگ دی۔

وزیرِ اعظم عمران خان کا کہنا تھا کہ کسی بھی فرد یا ادارے کو طاقت کی بنیاد پر سرکاری اراضی پر قبضہ نہیں کرنے دیا جائے گا۔

اُنہوں نے کہا کہ تمام تر اسلام آباد بالخصوص مارگلہ ہلز نیشنل پارک سے تجاوزات ہٹائی جائیں اور اسلام آباد کے ماسٹر پلان کو اُس کی اصل شکل میں بحال کیا جائے۔

مزید خبروں اور اپڈیٹس کے لیے وزٹ کیجئے گرانہ بلاگ۔




راولپنڈی ڈویژن میں 86.9 ارب کے 500 ترقیاتی منصوبے شروع کرنے کا فیصلہ


Post Views:
1

اسلام آباد: حکومت نے راولپنڈی ڈویژن میں 500 ترقیاتی منصوبے شروع کرنے کا فیصلہ کیا ہے جن پر 86.9 ارب روپے کی لاگت آئے گی۔

تفصیلات کے مطابق ان 500 منصوبوں میں سے 430 منصوبے ایسے ہیں جو کہ مکمل طور پر منظور شدہ ہیں جبکہ باقی منظوری کے عمل میں ہیں۔

منصوبوں میں 33 کا تعلق ہائی وے ڈویژن سے ہے، 12 کا آر سی ڈویژن، 72 کا بلڈنگ ڈویژن، 50 کا لوکل گورنمنٹ، جبکہ 29 کا تعلق پبلک ہیلتھ سے ہے۔

مزید برآں ایک ڈیم کا منصوبہ بھی پائپ لائن میں شامل کیا گیا ہے۔

مزید خبروں اور اپڈیٹس کے لیے وزٹ کیجئے گرانہ بلاگ۔




لاہور سینٹرل بزنس ڈسٹرکٹ: پہلے 5 پلاٹس کی نیلامی 4 اگست کو کرنے کا اعلان


Post Views:
2

لاہور: لاہور سینٹرل بزنس ڈسٹرکٹ میں پہلے 5 پلاٹس کی نیلامی 4 اگست کو کی جائیگی۔

اس ضمن میں ٹارگٹ ریوینیو 13 ارب روپے رکھا گیا ہے۔

وزیرِ اعظم عمران خان کے زیرِ صدارت لاہور سینٹرل بزنس ڈسٹرکٹ اور راوی سٹی کا ریویو اجلاس ہوا جس میں یہ فیصلہ کیا گیا۔

میٹنگ میں وزیرِ مملکت برائے اطلاعات فرخ حبیب، وزیرِ اعظم کے معاون خصوصی ڈاکٹر شہباز گل، چیئرمین نیا پاکستان ہاؤسنگ اتھارٹی لیفٹننٹ جنرل (ر) انور علی حیدر اور وائس چیئرمین ایل ڈی اے شیخ محمد عمران نے شرکت کی۔

میٹنگ میں یہ فیصلہ بھی کیا گیا کہ سینٹرل بزنس ڈسٹرکٹ میں پلاٹوں کی نیلامی کے دوسرے مرحلے کا انعقاد بھی جلد کیا جائے گا۔

مزید خبروں اور اپڈیٹس کے لیے وزٹ کیجئے گرانہ بلاگ۔




سی ڈی اے کا اسلام آباد میں نئی بس سروس شروع کرنے کا اعلان


Post Views:
2

اسلام آباد: کیپیٹل ڈیولپمنٹ اتھارٹی (سی ڈی اے) نے اسلام آباد میں نئی بس سروس شروع کرنے کا اعلان کردیا ہے۔

یہ فیصلہ سی ڈی اے کے ایک اجلاس میں کیا گیا جس کی صدارت چیئرمین سی ڈی اے عامر احمد علی نے کی۔

تفصیلات کے مطابق اس سروس کی حتمی منظوری وفاقی کابینہ سے لی جائے گی اور اس کا نام اسلام آباد بس سروس رکھا گیا ہے۔

ابتدائی طور پر یہ سروس 30 بسوں پر مشتمل ہوگی جس میں بعد ازاں اضافہ کیا جائے گا۔

مزید خبروں اور اپڈیٹس کے لیے وزٹ کیجئے گرانہ بلاگ۔




سی ڈی اے کا سٹریٹ لائٹس کی بحالی کا کام تیز کرنے کا فیصلہ


Post Views:
0

اسلام آباد: کیپیٹل ڈیولپمنٹ اتھارٹی (سی ڈی اے) نے اسلام آباد میں سٹریٹ لائٹس کی بحالی کا کام تیز کرنے کا فیصلہ کرلیا ہے۔

تفصیلات کے مطابق کام کی رفتار تیز کرنے کا فیصلہ حالیہ بارشوں کے پیشِ نظر کیا گیا تاکہ شہریوں کسی قسم کی پریشانی کا سامنا نہ کرنا پڑے۔

سی ڈی اے کے مطابق شہرِ اقتدار میں 85 فیصد سٹریٹ لائٹس کام کررہی ہیں جبکہ 87 فیصد ٹریفک سگنل بھی کام کررہے ہیں۔

مزید خبروں اور اپڈیٹس کے لیے وزٹ کیجئے گرانہ بلاگ۔