یومِ آزادی کے پیشِ نظر گرانہ ڈاٹ کام نے کیا سائکلنگ سنڈے کے خصوصی ایڈیشن کا انعقاد


Post Views:
7

گرانہ ڈاٹ کام نے پاکستان کے 75 ویں یومِ آزادی کے پیشِ نظر آزادی رائیڈ (سائکلنگ سنڈے) کا خصوصی انعقاد کیا۔  آزادی رائیڈ کا آغاز جناح ایوینو، بیورلی سینٹر، سے شام 6 بجے ہوا اور یہ رائیڈ ڈی چوک پر اختتام پذیر ہوئی۔

سائکلنگ ایونٹ میں جڑواں شہروں سے زندگی کے مختلف شعبوں سے تعلق رکھنے والے افراد نے بھرپور حصہ لیا۔ حاضرین نے سبز ہلالی پرچم لہرا کر وطن سے محبت کا اظہار اور اس کی خوشحالی کے عزم کا اعادہ کیا۔

اس موقع پر سی ای او گرانہ ڈاٹ کام شفیق اکبر کا کہنا تھا کہ ایک آزاد ریاست قدرت کی عطا کردہ بڑی نعمتوں میں سے ایک ہے۔ اُن کا کہنا تھا کہ پاکستان وہ مُلک ہے جہاں ہر شہری کو ترقی کے یکساں مواقع دستیاب ہیں اور سبھی کو شب و روز اس مملکتِ خداداد کی خوشحالی کے لیے کام کرنا چاہیے۔

گروپ ڈائریکٹر گرانہ فرحان جاوید کا کہنا تھا کہ ہر سال 14 اگست کا دن، مُلک و قوم کی ترقی کے ہمارے ولولوں میں ایک نئی روح، ایک نئی جہت پیدا کرتا ہے۔

حکام نے ایونٹ کی زبردست میزبانی کی اور اس بات پر زور دیا کہ وفاقی دارلحکومت کو سائیکل دوست شہر بنایا جائے اور یہاں بہترین سائکلنگ انفراسٹرکچر، مخصوص سائکلنگ لینز اور پارکنگ اسپیسز تشکیل دیے جائیں اور شہر میں ماحول دوست سرگرمیوں کا ادراک ہو۔

مزید خبروں اور اپڈیٹس کے لیے وزٹ کیجئے گرانہ بلاگ۔




لگژری کنڈومینیم پراجیکٹ گالف فلوراز کا مردان اور ملتان میں اوپن ہاؤس، ریکارڈ تعداد میں لوگوں کی شرکت | Graana.com Blog


Post Views:
4

پاکستان کے پہلے لگژری کنڈومینیم پراجیکٹ گالف فلوراز کا مردان اور ملتان میں شاندار انعقاد کیا گیا جس میں ریکارڈ تعداد میں لوگوں نے شرکت کی۔

ملتان اوپن ہاؤس کا انعقاد رماڈا ہوٹل ملتان سٹی میں کیا گیا جبکہ مردان اوپن ہاؤس کا انعقاد شیلٹنز میموریز میں کیا گیا۔ دونوں اوپن ہاؤسز میں تمام کورونا ایس او پيز کو ملحوظِ خاطر رکھا گیا۔

اس ضمن میں ڈائریکٹر گرانہ ڈاٹ کام فرحان جاوید کا کہنا تھا کہ قدرتی نظاروں اور جدید آسائشوں کے اس امتزاج، جِسے گالفرز پیراڈائز اور قدرتی نروانہ بھی کہا جاتا ہے، میں 523 ہائی اینڈ کنڈومینیمز ہیں جو کہ اسے جڑواں شہروں کی سب سے بہترین ریزورٹ لیونگ کمیونیٹی بناتا ہے۔

اُنہوں نے کہا کہ اس پراجیکٹ کی تعمیر زور و شور سے جاری ہے جبکہ اس کی تکمیل 2025 تک کی جائے گی۔

گالف فلوراز پاکستان کا پہلا لگژری کنڈومنیم کمپلیکس ہے جس کا شمار ابھی سے ہی دنیا کے 20 بہترین لگژری ریزورٹ لیونگ کمیونیٹیز میں ہورہا ہے۔ اس کے ماسٹر پلان میں اسٹیٹ آف دی آرٹ فٹنس فیسلٹی، بچوں کے تفریحی پارکس، چہل قدمی اور جاگنگ کے ٹریکس، اسکائی گارڈن، ہیلی پیڈ اور ایک انفینٹی پول شامل ہیں۔

یہ کمپلیکس بحریہ گارڈن سٹی گالف کورس اور فلورا ہلز کے درمیان بنایا جا رہا ہے جس کا مقصد لوگوں کو پُر افزا اور پُر آسائش طرزِ زندگی سے روشناس کرانا ہے۔

یہ سسٹنیبل ریزیڈینشل ریئل اسٹیٹ پراجیکٹ ہے جس میں سٹوڈیو، 2 اور 3 بیڈروم اپارٹمنٹس ہیں اور یہ گارڈن سٹی بحریہ ٹاؤن کی شاندار لوکیشن پر واقع ہے۔ اس تک ڈی ايچ اے، بحریہ ٹاؤن فیز فائیو، سیون اور ایٹ سے باآسانی پُہنچا جا سکتا ہے۔ یہ پراجیکٹ کیپٹل ڈویلپمنٹ اتھارٹی (سی ڈی اے) سے منظور شدہ ہے۔

اس شاندار پراجیکٹ کے علاوہ امارات گروپ کے دیگر پراجیکٹس میں ایمیزون آؤٹ لیٹ مال، فلورنس گیلریا، امارات بلڈرز مال اور مال آف عریبیہ شامل ہیں، جو اسے مُلکی ریئل اسٹیٹ میں ایک نمایاں مقام دیتا ہے۔




راولپنڈی ڈویژن میں 86.9 ارب کے 500 ترقیاتی منصوبے شروع کرنے کا فیصلہ


Post Views:
1

اسلام آباد: حکومت نے راولپنڈی ڈویژن میں 500 ترقیاتی منصوبے شروع کرنے کا فیصلہ کیا ہے جن پر 86.9 ارب روپے کی لاگت آئے گی۔

تفصیلات کے مطابق ان 500 منصوبوں میں سے 430 منصوبے ایسے ہیں جو کہ مکمل طور پر منظور شدہ ہیں جبکہ باقی منظوری کے عمل میں ہیں۔

منصوبوں میں 33 کا تعلق ہائی وے ڈویژن سے ہے، 12 کا آر سی ڈویژن، 72 کا بلڈنگ ڈویژن، 50 کا لوکل گورنمنٹ، جبکہ 29 کا تعلق پبلک ہیلتھ سے ہے۔

مزید برآں ایک ڈیم کا منصوبہ بھی پائپ لائن میں شامل کیا گیا ہے۔

مزید خبروں اور اپڈیٹس کے لیے وزٹ کیجئے گرانہ بلاگ۔




سی ڈی اے کا جی الیون اور ای الیون میں غیر قانونی تعمیرات کے خلاف کارروائی کا فیصلہ


Post Views:
3

اسلام آباد: کیپیٹل ڈیولپمنٹ اتھارٹی (سی ڈی اے) نے سیکٹرز جی الیون اور ای الیون میں غیر قانونی تعمیرات کے خلاف کارروائی کا فیصلہ کرلیا ہے۔

تفصیلات کے مطابق اُن تمام تر عمارات کے خلاف کاروائیاں کی جائیں گی جو کہ سی ڈی اے بائی لاز کی خلاف ورزی کررہی ہیں۔

اس ضمن میں سی ڈی اے انتظامیہ نے گزشتہ روز متعدد غیر قانونی تعمیرات اور ہاؤسنگ سوسائٹیوں کے مالکان کے شو کاز نوٹسز جاری کیے۔

سی ڈی اے نے صرف ای الیون میں 18 غیر قانونی عمارات کے مالکان کو اظہارِ وجوہ نوٹسز جاری کیے۔

مزید خبروں اور اپڈیٹس کے لیے وزٹ کیجئے گرانہ بلاگ۔




ایل ڈی اے کا شہر میں میاواکی جنگلات کی تعداد بڑھانے کا فیصلہ


Post Views:
0

لاہور: لاہور ڈیولپمنٹ اتھارٹی (ایل ڈی اے) نے شہر لاہور میں میاواکی جنگلات کی تعداد بڑھانے کا فیصلہ کرلیا ہے۔

اس ضمن میں 96 ملین روپے مختص کیے گئے ہیں جو کہ پی ایچ اے کو جاری کیے جائیں گے۔

تفصیلات کے مطابق ایل ڈی اے کی 3 سکیموں یعنی ایونیو ون، جوبلی ٹاؤن اور محلہ وال میں ابتدائی طور پر میاواکی جنگلات کا قیام کیا جائے گا۔

مزید خبروں اور اپڈیٹس کے لیے وزٹ کیجئے گرانہ بلاگ۔




لاہور سینٹرل بزنس ڈسٹرکٹ: پہلے 5 پلاٹس کی نیلامی 4 اگست کو کرنے کا اعلان


Post Views:
2

لاہور: لاہور سینٹرل بزنس ڈسٹرکٹ میں پہلے 5 پلاٹس کی نیلامی 4 اگست کو کی جائیگی۔

اس ضمن میں ٹارگٹ ریوینیو 13 ارب روپے رکھا گیا ہے۔

وزیرِ اعظم عمران خان کے زیرِ صدارت لاہور سینٹرل بزنس ڈسٹرکٹ اور راوی سٹی کا ریویو اجلاس ہوا جس میں یہ فیصلہ کیا گیا۔

میٹنگ میں وزیرِ مملکت برائے اطلاعات فرخ حبیب، وزیرِ اعظم کے معاون خصوصی ڈاکٹر شہباز گل، چیئرمین نیا پاکستان ہاؤسنگ اتھارٹی لیفٹننٹ جنرل (ر) انور علی حیدر اور وائس چیئرمین ایل ڈی اے شیخ محمد عمران نے شرکت کی۔

میٹنگ میں یہ فیصلہ بھی کیا گیا کہ سینٹرل بزنس ڈسٹرکٹ میں پلاٹوں کی نیلامی کے دوسرے مرحلے کا انعقاد بھی جلد کیا جائے گا۔

مزید خبروں اور اپڈیٹس کے لیے وزٹ کیجئے گرانہ بلاگ۔




سی ڈی اے نے اسلام آباد میں حالیہ بارشوں اور سیلابی صورتحال سے متعلق نکاسی آب کا عمل مکمل کر لیا


Post Views:
2

اسلام آباد: کیپیٹل ڈیولپمنٹ اتھارٹی (سی ڈی اے) نے اسلام آباد میں حالیہ بارشوں اور سیلابی صورتحال سے متعلق نکاسی آب کا عمل مکمل کر لیا۔

تفصیلات کے مطابق اسلام آباد میں 3 گھنٹوں میں 350 ملی میٹر بارش ریکارڈ ہوئی جس کے بعد مختلف علاقوں میں شہریوں کو سیلابی صورتحال کا سامنا کرنا پڑا۔

اس کے بعد سی ڈی اے انتظامیہ نے ہنگامی صورتحال کے پیشِ نظر تمام سڑکوں اور شاہراہوں کو کلیئر کرنے کا عمل شروع کیا۔

میڈیا رپورٹس کے مطابق اسلام آباد میں آنے والے دنوں میں مزید بارشیں متوقع ہیں جس کی وجہ سے فلڈ سیل کا قیام کردیا گیا ہے۔

مزید خبروں اور اپڈیٹس کے لیے وزٹ کیجئے گرانہ بلاگ۔




آر ڈی اے کا راولپنڈی کو ٹورزم سٹی بنانے کا فیصلہ


Post Views:
7

راولپنڈی: راولپنڈی ڈویلپمنٹ اتھارٹی (آر ڈی اے) نے راولپنڈی ڈسٹرکٹ کو ٹورزم سٹی بنانے کا فیصلہ کرلیا۔

اس ضمن میں آر ڈی اے کے دفتر میں چیئرمین آر ڈی اے طارق محمود مرتضیٰ کے زیرِ صدارت ایک اجلاس ہوا۔

اجلاس میں راولپنڈی کی تین تحصیلوں یعنی مری، کہوٹہ اور کوٹلی ستیاں کو یکجا کر کے ایک ٹورزم ڈسٹرکٹ بنانے پر غور کیا گیا۔

مزید خبروں اور اپڈیٹس کے لیے وزٹ کیجئے گرانہ بلاگ۔




کے پی حکومت کا صوبے میں 10 اقتصادی زون بنانے کا فیصلہ


Post Views:
0

پشاور: حکومتِ خیبر پختونخوا نے صوبے میں 10 اقتصادی زون اور 19 چھوٹے انڈسٹریل اسٹیٹ کے قیام کا فیصلہ کرلیا ہے۔

یہ فیصلہ اگلے 5 سالوں کے لیے جاری کردہ انڈسٹریل پلان کا حصہ ہے۔

یہ فیصلہ منگل کے روز وزیرِ اعلیٰ محمود خان کے زیرِ صدارت ایک اجلاس میں کیا گیا۔

اس ضمن میں ایک 15 رکنی کمیٹی کے قیام کا بھی فیصلہ کیا گیا ہے جس کا مقصد تمام تر فیصلوں کو منطقی انجام تک پہنچانا ہوگا۔

مزید خبروں اور اپڈیٹس کے لیے وزٹ کیجئے گرانہ بلاگ۔




سی ڈی اے کا اسلام آباد میں نئی بس سروس شروع کرنے کا اعلان


Post Views:
2

اسلام آباد: کیپیٹل ڈیولپمنٹ اتھارٹی (سی ڈی اے) نے اسلام آباد میں نئی بس سروس شروع کرنے کا اعلان کردیا ہے۔

یہ فیصلہ سی ڈی اے کے ایک اجلاس میں کیا گیا جس کی صدارت چیئرمین سی ڈی اے عامر احمد علی نے کی۔

تفصیلات کے مطابق اس سروس کی حتمی منظوری وفاقی کابینہ سے لی جائے گی اور اس کا نام اسلام آباد بس سروس رکھا گیا ہے۔

ابتدائی طور پر یہ سروس 30 بسوں پر مشتمل ہوگی جس میں بعد ازاں اضافہ کیا جائے گا۔

مزید خبروں اور اپڈیٹس کے لیے وزٹ کیجئے گرانہ بلاگ۔




کے پی حکومت نے ترقیاتی منصوبوں کی بروقت تکمیل کے لیے مانیٹرنگ سسٹم کا قیام کردیا


Post Views:
12

پشاور: خیبر پختونخوا حکومت نے صوبے میں جاری ترقیاتی منصوبوں کی بروقت تکمیل کے لیے مانیٹرنگ سسٹم کا قیام کردیا ہے۔

اس ضمن میں پلاننگ اینڈ ڈویلپمنٹ ڈیپارٹمنٹ نے متعلقہ محکموں کو احکامات جاری کیے ہیں کہ وہ تمام تر انتظامات مکمل کریں

پلاننگ اینڈ ڈویلپمنٹ ڈیپارٹمنٹ سے منظوری کے بعد جاری ترقیاتی منصوبوں کی اسپیشل مانیٹرنگ کی جائے گی۔

پلاننگ اینڈ ڈویلپمنٹ ڈیپارٹمنٹ کا کہنا ہے کہ اس اقدام سے تمام تر منصوبوں کی پیش رفت اور بروقت تکمیل کی بہتر جانچ یقینی ہوگی۔

مزید خبروں اور اپڈیٹس کے لیے وزٹ کیجئے گرانہ بلاگ۔




وزیراعظم عمران خان کا پاکستان میں سیاحت کے فروغ کے لیے تمام تر وسائل بروئے کار لانے کا عزم


Post Views:
5

اسلام آباد: وزیراعظم عمران خان نے کہا ہے کہ پاکستان سیاحت کے اعتبار سے خطے میں سب سے زیادہ وسائل کا حامل ہے اور موجودہ حکومت ان سے مکمل استفادہ کرنے کو یقینی بنائے گی۔

وزیراعظم  کی زیر صدارت سیاحت کے فروغ کیلئے اٹھائے گئے اقدامات سے  متعلق جائزہ اجلاس  میں بتایا گیا کہ تمام صوبوں میں سیاحتی مقامات کی جیو میپنگ کا کام تقریباً مکمل کیا جا چکا ہے۔

اجلاس کو بتایا گیا کہ  وزارت خارجہ کی کوششوں سے بیرونِ ممالک قائم 27 سفارتخانوں میں سیاحت کے فروغ کیلئے خصوصی ڈیسک مختص کئے جا چکے ہیں اور 133 کے قریب غیر ملکی سیاحتی کمپنیوں کو پاکستان میں سیاحت کے فروغ کیلئے معاونت فراہم کی جا چکی ہے۔

بریفنگ میں بتایا گیا کہ غیر ملکی سیاحوں کی سہولت کیلئے ای ویزہ کے اجراء کے وقت کو کم کرکے صرف 7-10 دن کر دیا گیا ہے اور اب تک 71 ہزار سے زیادہ غیر ملکی سیاح ای ویزہ کی سہولت سے استفادہ کر چکے ہیں۔

مزید خبروں اور اپڈیٹس کے لیے وزٹ کیجئے گرانہ بلاگ۔