مئی 2021میں سیمنٹ کی مجموعی فروخت میں 50 فیصد اضافہ


Post Views:
12

کراچی :رواں سال مئی  میں سیمنٹ کی مجموعی فروخت 50 فیصد اضافے کے ساتھ  39 لاکھ 47 ہزار ٹن ریکارڈ کی گئی۔

آل پاکستان سیمنٹ مینوفیکچررز ایسوسی ایشن کے اعدادوشمار کے مطابق مئی 2021میں سیمنٹ کی مجموعی فروخت 39 لاکھ 47 ہزار ٹن ریکارڈ کی گئی جو گذشتہ سال مئی میں ہونے والی فروخت کے کُل حجم 26 لاکھ 34 ہزار ٹن سے 49.86 فیصد زائد ہے۔

مئی 2021 میں سیمنٹ کی مقامی فروخت 40.95 فیصد اضافے سے 32 لاکھ ٹن رہی جو مئی 2020 میں 22 لاکھ 70 ہزار ٹن ریکارڈ کی گئی۔

مئی 2021 کے دوران سیمنٹ کی برآمد مئی 2020 کے مقابلے میں 105.56 فیصد اضافے سے 7 لاکھ 46 ہزار550 ٹن رہی جو مئی 2020 میں 3 لاکھ 63 ہزار 174 ٹن ریکارڈ کی گئی ۔

رواں مالی سال کے پہلے گیارہ ماہ کے دوران سیمنٹ کی مجموعی کھپت گذشتہ سال کے اسی عرصے کے مقابلے میں 20.91 فیصد اضافے سے  5 کروڑ 22 لاکھ 22 ہزار ٹن رہی جو گذشتہ سال کے اسی عرصے میں 4 کروڑ 31 لاکھ 89 ہزار ٹن ریکارڈ کی گئی تھی۔

مزید خبروں اور اپڈیٹس کے لیے وزٹ کیجئے گرانہ بلاگ۔




اپریل میں سیمنٹ کی فروخت میں 40.4 فیصد اضافہ


Post Views:
26

لاہور: آل پاکستان سیمنٹ مینوفیکچررز ایسوسیشن کی جانب سے جاری کردہ اعداد و شمار کے مطابق اپریل کے مہینے میں سیمنٹ کی مقامی اور بیرونی فروخت میں 40.4 فیصد اضافہ ریکارڈ کیا گیا۔

یہ اضافہ اپریل 2020 کے مقابلے میں ریکارڈ کیا گیا اور ماہرین کے مطابق کورونا وبا کے معاشی اثرات کے باوجود یہ ایک بڑی کامیابی ہے۔

رواں سال اپریل میں 4.9 ملین ٹن سیمنٹ کی فروخت ریکارڈ ہوئی جو کہ گزشتہ سال اپریل میں 3.5 ملین ٹن ریکارڈ کی گئی تھی۔

ترجمان آل پاکستان سیمنٹ مینوفیکچررز ایسوسیشن کے مطابق اس سال ماہِ رمضان میں بھی سیمنٹ کی فروخت میں اضافہ دیکھا گیا جو کہ عمومی طور پر کنسٹرکشن کے لحاظ سے ایک جمود کا مہینہ ہوتا ہے۔

مزید خبروں اور اپڈیٹس کے لیے وزٹ کیجئے گرانہ بلاگ۔