سندھ حکومت کا غیر قانونی صنعتوں کو رہائشی علاقوں سے منتقل کرنے کا فیصلہ



Post Views:
18

کراچی:  سندھ کے صوبائی وزیر اسماعیل راہو نے حکام کو ہدایات جاری کی ہیں کہ غیر قانونی صنعتوں کو رہائشی علاقوں سے باہر منتقل کرانے کے لیے فوری اقدامات اٹھائے جائیں۔

سندھ حکومت نے رہائشی علاقوں میں صنعتوں کا دوبارہ سروے کرنے اور ماحولیاتی امور کا جائزہ لینے کا فیصلہ کر لیا ہے۔

صوبائی وزیر نے اس ضمن میں حکام کو ہدایات جاری کی ہیں کہ صوبے میں تمام ریسٹورانٹس کی صفائی اور اندرونی ماحول کی بھی چیکنگ کی جائے۔

انہوں نے افسران کو احکامات دیتے ہوئے کہا کہ غیر قانونی صنعتوں کا ڈیٹا جمع کیا جائے اور غفلت برتنے والے افسران کے خلاف کارروائی کی جائے۔

مزید خبروں اور اپڈیٹس کے لئے وزٹ کیجئے گرانہ بلاگ۔




حکومت خصوصی اقتصادی زونز میں تمام تر سہولیات یقینی بنا رہی ہے، وزیرِ اعظم


Post Views:
3

اسلام آباد: وزیرِ اعظم عمران خان نے کہا ہے کہ حکومت اسپیشل ٹیکنالوجی زونز میں تمام تر اسٹیک ہولڈرز کو بہترین سہولیات کی فراہمی یقینی بنا رہی ہے۔

وہ منگل کو خصوصی اقتصادی زونز کے جائزہ اجلاس کی صدارت کررہے تھے۔

چیئرمین اسپیشل ٹیکنالوجی زونز اتھارٹی عامر ہاشمی نے وزیرِ اعظم کو جاری منصوبوں اور سہولیات پر تفصیلی بریفنگ دی۔

وزیرِ اعظم نے اس ضمن میں ٹیکنالوجی کے استعمال، اداروں کے درمیان تعاون، کام کی رفتار اور روزگار کے فروغ پر اطمینان کا اظہار کیا۔

وزیرِ اعظم نے کہا کہ دبئی میں انٹرنیشنل ایکسپو سمیت دیگر بین الاقوامی ایونٹس کا بھرپور فائدہ اُٹھایا جائے۔

مزید خبروں اور اپڈیٹس کے لیے وزٹ کیجئے گرانہ بلاگ۔




حکومت سرمایہ کاروں کی حوصلہ افزائی کے لیے کوشاں، رزاق داؤد


Post Views:
3

فیصل آباد: وزیرِ اعظم کے مشیر برائے کامرس عبدالرزاق داؤد کا کہنا ہے کہ حکومت لوکل اور بیرونی سرمایہ کاروں کو ہر طرح کی کاروباری معاونت دینے کے لیے کوشاں ہے۔

اُنہوں نے کہا کہ سرمایہ کاروں کے تحفظ سے ملک کی انڈسٹریل پروڈکشن بڑھے گی جس سے ملکی معیشت کا فروغ ہوگا۔

وہ ہفتے کے روز فیصل آباد کے دورے پر تھے جہاں اُنہوں نے علامہ اقبال انڈسٹریل سٹی پر پیش رفت کا جائزہ لیا۔

علامہ اقبال انڈسٹریل سٹی پنجاب میں سی پیک کے تحت سب سے بڑا منصوبہ ہے۔

عبدالرزاق داؤد کا کہنا تھا کہ یہ پراجیکٹ 3300 ایکڑ اراضی پر تعمیر کیا جا رہا ہے اور اسے وزیرِ اعظم عمران خان کے ویژن کے تحت جلد پایہ تکمیل تک پہنچایا جائے گا۔

مزید خبروں اور اپڈیٹس کے لیے وزٹ کیجئے گرانہ بلاگ۔




حکومت نے بلوچستان کو تاریخی ڈویلپمنٹ پیکج دیا، فواد چودھری


Post Views:
3

اسلام آباد: وفاقی وزیر برائے اطلاعات و نشریات فواد چودھری کا کہنا ہے کہ بلوچستان کی تعمیر و ترقی حکومت کی اولین ترجیحات میں سے ایک ہے۔

وہ گورنر بلوچستان سید ظہور آغا سے ملاقات کے دوران اظہارِ خیال کررہے تھے۔

اُن کا کہنا تھا کہ حکومت بلوچستان کو تاریخی ڈویلپمنٹ پیکج دیا جو کہ صوبے کے لیے ایک گیم چینجر ثابت ہوگا۔

گورنر بلوچستان نے بھی اس بات کی توثیق کرتے ہوئے کہا کہ حکومت صوبہ بلوچستان کی محرومی کے احساس کو ختم کرنے کے لیے ہر ممکن کوشش کررہی ہے۔

مزید خبروں اور اپڈیٹس کے لیے وزٹ کیجئے گرانہ بلاگ۔




پنجاب حکومت نے 3 ہزار سے زائد ترقیاتی منصوبوں کے لیے 131 ارب روپے جاری کردیئے


Post Views:
3

لاہور: پنجاب فنانس ڈیپارٹمنٹ نے 3 ہزار سے زائد ترقیاتی منصوبوں کے لیے 131 ملین روپے جاری کردیئے ہیں۔

تفصیلات کے مطابق چیئرمین پلاننگ اینڈ ڈویلپمنٹ بورڈ عبداللہ خان سنبل کی زیرِ صدارت پی اینڈ ڈی کمپلیکس میں ایک اجلاس ہوا۔

جاری منصوبوں کے لیے تمام تر فنڈز یکم جولائی 2021 کو جاری کیے گئے۔

اجلاس کو یہ بھی بتایا گیا کہ 4,680 منصوبوں میں سے 3,179 منصوبے منظور کر لیے گئے ہیں۔

مزید خبروں اور اپڈیٹس کے لیے وزٹ کیجئے گرانہ بلاگ۔




کے پی حکومت کا صوبے میں 10 اقتصادی زون بنانے کا فیصلہ


Post Views:
0

پشاور: حکومتِ خیبر پختونخوا نے صوبے میں 10 اقتصادی زون اور 19 چھوٹے انڈسٹریل اسٹیٹ کے قیام کا فیصلہ کرلیا ہے۔

یہ فیصلہ اگلے 5 سالوں کے لیے جاری کردہ انڈسٹریل پلان کا حصہ ہے۔

یہ فیصلہ منگل کے روز وزیرِ اعلیٰ محمود خان کے زیرِ صدارت ایک اجلاس میں کیا گیا۔

اس ضمن میں ایک 15 رکنی کمیٹی کے قیام کا بھی فیصلہ کیا گیا ہے جس کا مقصد تمام تر فیصلوں کو منطقی انجام تک پہنچانا ہوگا۔

مزید خبروں اور اپڈیٹس کے لیے وزٹ کیجئے گرانہ بلاگ۔




کے پی حکومت نے ترقیاتی منصوبوں کی بروقت تکمیل کے لیے مانیٹرنگ سسٹم کا قیام کردیا


Post Views:
12

پشاور: خیبر پختونخوا حکومت نے صوبے میں جاری ترقیاتی منصوبوں کی بروقت تکمیل کے لیے مانیٹرنگ سسٹم کا قیام کردیا ہے۔

اس ضمن میں پلاننگ اینڈ ڈویلپمنٹ ڈیپارٹمنٹ نے متعلقہ محکموں کو احکامات جاری کیے ہیں کہ وہ تمام تر انتظامات مکمل کریں

پلاننگ اینڈ ڈویلپمنٹ ڈیپارٹمنٹ سے منظوری کے بعد جاری ترقیاتی منصوبوں کی اسپیشل مانیٹرنگ کی جائے گی۔

پلاننگ اینڈ ڈویلپمنٹ ڈیپارٹمنٹ کا کہنا ہے کہ اس اقدام سے تمام تر منصوبوں کی پیش رفت اور بروقت تکمیل کی بہتر جانچ یقینی ہوگی۔

مزید خبروں اور اپڈیٹس کے لیے وزٹ کیجئے گرانہ بلاگ۔




حکومت مستحق لوگوں کو ہاؤسنگ قرض دینے کے لیے کوشاں، نیا پاکستان ہاؤسنگ اینڈ ڈیولپمنٹ اتھارٹی


Post Views:
5

اسلام آباد: ترجمان نیا پاکستان ہاؤسنگ اینڈ ڈیولپمنٹ اتھارٹی عاصم شوکت علی کا کہنا ہے کہ حکومت مستحق طبقے کو ہاؤسنگ قرض کی آسان فراہمی کے لیے ہر ممکن اقدامات لے رہی ہے۔

وہ ہفتے کے روز میڈیا سے گفتگو کررہے تھے جہاں اُن کا کہنا تھا کہ لو کاسٹ ہاؤسنگ حکومت کے منشور میں ایک اہم مقام رکھتا ہے اور اس ضمن میں تمام تر چیلنجوں کا مقابلہ کیا جا رہا ہے۔

اُن کا کہنا تھا کہ اتھارٹی نجی ڈویلپرز کو بھی ترغیب دے رہی ہے کہ اس پروگرام میں بڑھ چڑھ کر حصہ لیں۔

انہوں نے کہا کہ 2 ملین درخواستیں ابھی تک موصول ہوئی ہے اور وہ لوگ جن کی ماہانہ تنخواہ 20 سے 40 ہزار روپے ہے، اُنہیں فوقیت دی جائے گی۔

مزید خبروں اور اپڈیٹس کے لیے وزٹ کیجئے گرانہ بلاگ۔




پنجاب حکومت نے ڈسٹرکٹ ڈیولپمنٹ پیکج کے تحت 360 ارب روپے مختص کردیئے


Post Views:
4

لاہور: وزیرِ اعلیٰ پنجاب سردار عثمان بزدار کہ کہنا ہے کہ پاکستان کی تاریخ میں پہلی بار ڈسٹرکٹ ڈیولپمنٹ پیکج کے تحت 360 ارب روپے مختص کیے گئے ہیں۔

اُن کا کہنا تھا کہ حکومت صوبے کے پسماندہ علاقوں کی حالت تبدیل کرنے کے لئے کوشاں ہے۔

انہوں نے کہا حکومت نے کامیابی سے وزیر آباد میں کارڈیالوجی یونٹ کا قیام کردیا ہے جس پر 3.5 ارب روپے کی لاگت آئی اور ابھی تک 6 لاکھ 50 ہزار مریضوں کا کامیاب علاج ہوچکا ہے۔

مزید خبروں اور اپڈیٹس کے لیے وزٹ کیجئے گرانہ بلاگ۔




سندھ حکومت نے ماحولیاتی تحفظ کے لیے 1 ارب روپے مختص کردیئے


Post Views:
1

کراچی: حکومتِ سندھ نے ماحولیاتی تحفظ کے لیے 1.2 ارب روپے کی رقم مختص کردی ہے۔

تفصیلات کے مطابق اس مقصد کے لیے اتنی رقم کبھی مختص نہیں کی گئی۔

اس ضمن میں فاریسٹ کوور کو 2 ہزار ایکڑ تک پھیلایا جائے گا اور سیوریج پلانٹس پر خصوصی توجہ دی جائے گی۔

پچھلے سال ماحولیات پر 145 ملین روپے کی رقم خرچ کی گئی تھی۔

مزید خبروں اور اپڈیٹس کے لیے وزٹ کیجئے گرانہ بلاگ۔




بلوچستان حکومت نے ترقیاتی منصوبوں سے متعلق آٹومیشن سسٹم متعارف کروا دیا


Post Views:
2

کوئٹہ: بلوچستان حکومت نے ترقیاتی منصوبوں سے متعلق آٹومیشن سسٹم متعارف کروا دیا ہے ۔ یہ سسٹم بار کوڈ کی مدد سے ترقیاتی منصوبوں کی تازہ ترین صورتحال کا ریکارڈ مرتب کرنے میں مدد فراہم کرے گا۔

بلوچستان حکومت کی تاریخ میں یہ اپنی نوعیت کا پہلا اور منفرد خود کار نظام ہے جس کی مدد سے بجٹ میں شامل ترقیاتی منصوبوں سے متعلق تازہ تریں معلومات اور تفصیلات فوری حاصل کی جا سکتی ہیں۔

حکام کا کہنا ہے کہ سماجی و معاشی ترقی کے لیے جدید ترین ٹیکنالوجی کا استعمال اور اقدامات بلوچستان کی تاریخ میں پہلی بار متعارف کرائے گئے ہیں۔

مزید خبروں اور اپڈیٹس کے لیے وزٹ کیجئے گرانہ بلاگ۔




پنجاب حکومت نے 197 ترقیاتی اسکیموں کے لیے ترقیاتی بجٹ میں 5.5 ارب روپے مختص کر دیے


Post Views:
2

لاہور: کمشنر ساہیوال ڈویژن بابر شریف کا کہنا ہے کہ پنجاب حکومت نے رواں مالی سال کے ترقیاتی بجٹ میں 197 ترقیاتی منصوبوں کے لیے مجموعی طور پر 5.5 ارب روپے مختص کیے ہیں۔

بجٹ کے جائزہ اجلاس سے خطاب کرتے ہوئے کمشنر ساہیوال کا کہنا تھا کہ رواں مالی سال کے ترقیاتی بجٹ میں پنجاب حکومت نے 120 نئے ترقیاتی منصوبے بھی شامل کیے ہیں۔

انہوں نے متعلقہ حکام کو ہدایات جاری کیں کہ وہ نئی ترقیاتی اسکیموں سے متعلق حکمت عملی جلد زاز جلد وضع کر لیں۔ جبکہ بجٹ تفصیلات بتاتے ہوئے ڈائریکٹر پلاننگ اینڈ فنانس احمد خاور شہزاد کا کہنا تھا کہ صرف ضلع ساہیوال کی 80 ترقیاتی منصوبوں کے لیے بجٹ میں 2 ارب روپے مختص کیے گئے ہیں۔

انہوں نے اجلاس میں بتایا کہ 1 ارب روپے سے زائد کی رقم ضلع اوکاڑہ کے 54 ترقیاتی منصوبوں جبکہ ضلع پاکپتن کی 73 ترقیاتی اسکیموں کے لیے بجٹ میں 1.035 ارب روپے مختص کیے گئے ہیں۔

مزید خبروں اور اپڈیٹس کے لیے وزٹ کیجئے گرانہ بلاگ۔