کورونا وبا کے باوجود پاکستانی معیشت نے نمایاں ترقی کی، فوربز


Post Views:
5

اسلام آباد: ممتاز عالمی جریدے فوربز کا کہنا ہے کہ کورونا وبا کے مہلک معاشی اثرات کے باوجود پاکستانی معیشت نے حالیہ برسوں میں نمایاں ترقی کی ہے۔

فوربز نے کہا ہے کہ جہاں بھارت اور امریکہ کو کورونا وبا کی تباہ کاریوں سے نکلنے میں دشواری رہی ہے وہاں پاکستان کی کوویڈ 19 کی کامیاب منیجمنٹ اور مُلکی جی ڈی پی گروتھ کا 4 فیصد ہونا نہایت خوش آئند ہے۔

امریکہ کے معروف جریدے کا کہنا ہے کہ بروقت اور دانشمندانہ فیصلوں سے پاکستان اپنی معیشت کی بحالی میں کامیاب رہا اور مُلکی معیشت بہترین سرمایہ کاری کے مواقع پیش کرنے کی غماز ہے۔

مزید خبروں اور اپڈیٹس کے لیے وزٹ کیجئے گرانہ بلاگ۔




اسٹیٹ بینک نے ہاؤسنگ اورتعمیرات کی ترقی کے لیے ضوابط میں ترامیم کر دیں


Post Views:
5

کراچی: اسٹیٹ بینک نے ہاؤسنگ اور تعمیراتی شعبے کی ترقی کے لیے ریئل اسٹیٹ انویسٹمنٹ ٹرسٹس (آرای آئی ٹیز) میں بینکوں اور ڈی ایف آئیز کی سرمایہ کاری بڑھانے  کے لیے کفایتِ سرمایہ ضوابط میں ترمیم کر دی۔

مرکزی بینک نے ریئل اسٹیٹ کے شعبے کی ترقی میں مدد دینے کی غرض سے کفایتِ سرمایہ کے ضوابط میں ترمیم کردی ہے جس کے تحت ریئل اسٹیٹ انویسٹمنٹ ٹرسٹس (آرای آئی ٹیز) کے یونٹس میں بینکوں اور ڈی ایف آئیز کی سرمایہ کاری پر رسک کی شرح نمایاں طور پر کم کرتے ہوئے 200 فیصد سے 100 فیصد کر دی گئی ہے ۔

بینک دولت پاکستان  کا یہ اقدام ان بہت سے اقدامات کا حصہ ہے جو مرکزی بینک کی جانب سے ہاؤسنگ اور تعمیرات کے شعبے کی ترقی کے لیے کیے گئے ہیں۔

آر ای آئی ٹیز ایسی کمپنیاں ہیں جو عام لوگوں اور اداروں سے اکٹھی کی گئی رقوم کو ریئل اسٹیٹ میں بطور سرمایہ کاری لگاتی ہیں۔ کفایتِ سرمایہ کے ضوابط میں مذکورہ بالا تبدیلی سے بینک اور ڈی ایف آئیز اب اس قابل ہو جائیں گے کہ آر ای آئی ٹیز میں اپنی سرمایہ کاری بڑھا سکیں اور انہیں نسبتا بڑی رقم کا سرمایہ مختص کرنے کی ضرورت نہیں ہوگی۔

مزید خبروں اور اپڈیٹس کے لیے وزٹ کیجئے گرانہ بلاگ۔

 




اگلے سال معاشی ترقی کی شرح 5 فیصد ہوگی، وزیرِ توانائی حماد اظہر


Post Views:
1

اسلام آباد: وفاقی وزیرِ توانائی حماد اظہر نے گزشتہ روز اعلان کیا کہ اگلے سال معاشی ترقی کی شرح 5 فیصد ہوگی۔

وہ بدھ کے روز میڈیا سے گفتگو کررہے تھے جہاں اُن کا کہنا تھا کہ 2023 میں معاشی ترقی کی شرح 6 فیصد تک رہنے کی توقع ہے۔

اُن کا کہنا تھا کہ مُلک کی برآمدات بڑھ رہی ہیں اور کرنٹ اکاؤنٹ خسارہ ایک دہائی کے بعد سرپلس میں ہے۔

اُنہوں نے کہا کہ کورونا وبا نے دنیا بھر کی معیشتوں کو نقصان پہنچایا ہے تاہم پاکستان کی معاشی صورتحال بہتر ہورہی ہے۔

مزید برآں اُن کا کہنا تھا کہ اس سال لارج اسکیل مینوفیکچرنگ میں بھی 9 فیصد گروتھ ریکارڈ کی گئی۔

مزید خبروں اور اپڈیٹس کے لیے وزٹ کیجئے گرانہ بلاگ۔




حکومت مُلک کی معاشی و معاشرتی ترقی کے لیے کوشاں، وزیرِ خزانہ


Post Views:
39

اسلام آباد: وزیرِ خزانہ شوکت ترین کا کہنا ہے حکومت مُلک کی معاشی و معاشرتی ترقی کے لیے کوشاں ہے اور اِس ضمن میں ہر طرح کے اقدامات لے رہی ہے۔

وہ منگل کے روز وفاقی وزیر برائے اقتصادی امور عُمر ایوب سے ملاقات کررہے تھے جہاں اُن کا کہنا تھا کہ حکومت اپنے لوگوں کو ریلیف دینے کے لیے اپنے بیرونی ڈیویلپمنٹ پارٹنرز کو بھی انگیج کررہی ہے۔

اُنہوں نے کہا کہ پاکستان کی معیشت کا بیشتر حصہ زراعت پر مبنی ہے اور اس سیکٹر کی تبدیلی کے لیے سنجیدہ اقدامات لیے جا رہے ہیں۔

اُن کا کہنا تھا کہ نوجوانوں کو بہتر روزگار کے مواقع فراہم کرنے کے لیے اور خود مختار بنانے کے لیے مائیکرو کریڈٹ لون کا اجراء بھی جلد کیا جائے گا۔

مزید خبروں اور اپڈیٹس کے لیے وزٹ کیجئے گرانہ بلاگ۔