روشن اپنا گھر سکیم: گرانہ ڈاٹ کام، اسٹیٹ بینک کی دبئی میں اوورسیز پاکستانیوں کیلئے خصوصی تقریب

[ad_1]



Post Views:
5

گرانہ ڈاٹ کام نے اسٹیٹ بینک آف پاکستان (ایس بی پی) کے ہمراہ متحدہ عرب امارات میں روشن اپنا گھر اسکیم کے لانچ ایونٹ کا انعقاد کیا۔ 

تقریب دبئی کے اٹلانٹس ہوٹل میں ہوئی جس میں صدرِ پاکستان عارف علوی اور گورنر اسٹیٹ بینک رضا باقر نے خصوصی شرکت کی۔ یاد رہے کہ صدر عارف علوی دو روزہ دورے پر یو اے ای میں موجود ہیں اور اُنہوں نے دبئی ایکسپو 2020 میں پاکستانی پویلین کا باقاعدہ افتتاح بھی کیا۔ 

تقریب سے خطاب کرتے ہوئے صدر عارف علوی کا کہنا تھا کہ موجودہ حکومت ریئل اسٹیٹ سیکٹر سے مُلکی معیشت کا پہیہ چلانے اور رواں رکھنے کا ایک مصمم عزم کیے ہوئے ہے۔ اُنہوں نے کہا کہ روشن ڈیجیٹل اکاؤنٹس سے پاکستان میں ترسیلات زر پر ایک مثبت اثر پڑا اور روشن اپنا گھر اسکیم سے اب سمندر پار پاکستانی پاکستان کے ریئل اسٹیٹ سیکٹر میں بغیر کسی خوف و خطر کے سرمایہ کاری کرسکتے ہیں۔ 

گورنر اسٹیٹ بینک رضا باقر کا کہنا تھا کہ روشن اپنا گھر پروگرام سے اوورسیز پاکستانیوں کے سرمائے کے تحفظ اور شفافیت کے فروغ پر خصوصی زور دیا جارہا ہے۔ اُنہوں نے کہا کہ اس اسکیم کے تحت ریئل اسٹیٹ ہاؤسنگ میں انویسٹمنٹ میں آسانی کا رجحان ہے۔ 

اس حوالے سے اظہارِ خیال کرتے ہوئے چیئرمین امارات گروپ اور سی ای او گرانہ ڈاٹ کام شفیق اکبر نے کہا اوورسیز پاکستانی یقیناً پاکستان کا سب سے بڑا اثاثہ ہیں، روشن اپنا گھر سکیم سے اوورسیز پاکستانی مُلکی ریئل اسٹیٹ مارکیٹ میں براہِ راست حصہ لے سکتے ہیں اور روشن ڈیجیٹل بینک اکاؤنٹس سے سمندر پار پاکستانیوں کے انویسٹمنٹ پوٹینشل کا مکمل ادراک کیا جارہا ہے۔ اُنہوں نے کہا کہ روشن اپنا گھر سکیم سے سمندر پار پاکستانیوں کو بغیر کسی خوف کے سرمایہ کاری کا موقع دیا جارہا ہے۔

گروپ ڈائریکٹر گرانہ ڈاٹ کام فرحان جاوید نے کہا کہ روشن ڈیجیٹل اکاؤنٹس سے سمندر پار پاکستانیوں کو یہ بہترین موقع فراہم کیا جارہا ہے کہ وہ پاکستان کی معیشت کے فروغ میں اپنا بھرپور کردار ادا کرسکیں۔ اُنہوں نے کہا کہ ریئل اسٹیٹ سیکٹر کی ترقی میں پاکستان کی ترقی پنہاں ہے۔

یاد رہے کہ اسٹیٹ بینک آف پاکستان نے بیرونِ ملک مقیم پاکستانیوں کے لیے روشن اپنا گھر پروگرام کا حال ہی میں آغاز کیا ہے۔ اس سکیم کے تحت دنیا بھر میں موجود پاکستانی اپنے روشن ڈیجیٹل اکاؤنٹ کا استعمال کرتے ہوئے پاکستان میں کسی بھی جگہ اپنا گھر خرید سکیں گے۔ اس ضمن میں مختلف بینکوں کے ساتھ بات بھی کرلی گئی ہے جس کے نتیجے میں یہ طے پایا ہے کہ سمندر پار پاکستانیوں کو اپنے گھر کے لیے آسان شرائط پر قرضے دیے جائیں گے۔




[ad_2]

ويبینار: روشن ڈیجیٹل اکاؤنٹ کے ذریعے روشن اپنا گھر

[ad_1]



Post Views:
3

فیصل بینک لیمیٹڈ کے زیرِ اہتمام گزشتہ روز ایک خصوصی ویبینار کا انعقاد کیا گیا جس میں اسٹیٹ بینک کی جاری کردہ روشن اپنا گھر اسکیم پر ماہرین کے مابین تفصیلی گفتگو ہوئی۔

ویبینار میں چیئرمین امارات گروپ اور سی ای او گرانہ ڈاٹ کام جناب شفیق اکبر، ایگزیکیٹیو ڈائریکٹر اسٹیٹ بینک سلیم اللہ، صدر فیصل بینک یوسف حسین، چیئرمین عارف حبیب گروپ عارف حبیب، سی ای او بی ایم اے کیپیٹل معظم ملک اور دیگر ماہرین نے شرکت کی۔

اس موقع پر سی ای او گرانہ ڈاٹ کام جناب شفیق اکبر نے کہا کہ پاکستان کا ریئل اسٹیٹ سیکٹر گزشتہ ادوار میں کافی حد تک نظر انداز رہا ہے جبکہ پاکستان کے معاشی پہیے کو رواں رکھنے کی مکمل صلاحیت ہے۔ اُنہوں نے کہا کہ پاکستان کے ریئل اسٹیٹ سیکٹر میں ٹیکنالوجی کے فروغ اور چند بروقت اقدامات سے تمام مسائل کا حل ہوسکتا ہے اور یہ سیکٹر دنیا کے بہترین ریئل اسٹیٹ سیکٹرز میں شامل ہوسکتا ہے۔

ویبینار سے گفتگو کرتے ہوئے ایگزیکیٹو ڈائریکٹر اسٹیٹ بینک سلیم اللہ کا کہنا تھا کہ روشن اپنا گھر سکیم سے اوورسیز پاکستانی یہاں کی ریئل اسٹیٹ مارکیٹ میں براہِ راست حصہ لے سکتے ہیں۔ روشن ڈیجیٹل بینک اکاؤنٹس سے سمندر پار پاکستانیوں کے انویسٹمنٹ پوٹینشل کا مکمل ادراک کیا جارہا ہے۔ اُنہوں نے کہا کہ پاکستان میں کاروبار میں آسانی پر بھرپور توجہ دی جارہی ہے تاکہ مُلکی معیشت فروغ پاسکے۔ اُن کا مزید کہنا تھا کہ روشن اپنا گھر سکیم سے سمندر پار پاکستانیوں کو بغیر کسی خوف کے سرمایہ کاری کا موقع دیا جارہا ہے اور اُنہیں یہاں موجود بلڈرز، اُن کے ڈیلیور کردہ پراجیکٹس اور اُن کی مارکیٹ میں ساکھ کے حوالے سے مکمل معلومات فراہم کی جائیں گی۔

سی ای او فیصل بینک یوسف حسین نے کہا کہ روشن ڈیجیٹل اکاؤنٹس سے سمندر پار پاکستانیوں کو یہ بہترین موقع فراہم کیا جارہا ہے کہ وہ پاکستان کی معیشت کے فروغ میں اپنا بھرپور کردار ادا کرسکیں۔ علاوہ ازیں، فیصل بینک کے طاہر بھٹی نے بھی روشن ڈیجیٹل اکاؤنٹس کھولنے اور روشن اپنا گھر کی سہولت سے مستفید ہونے پر تفصیلی بریفنگ دی۔

عارف حبیب، فاؤنڈر عارف حبیب گروپ، نے کہا کہ ریئل اسٹیٹ سیکٹر کی ترقی میں پاکستان کی ترقی پنہاں ہے۔ لوگ اس سیکٹر میں سرمایہ کاری سے اپنا اور اپنے خاندان کا مستقبل محفوظ بنا سکتے ہیں۔ موجودہ حکومت تعمیراتی صنعت کی ترقی کیلئے تمام ممکن اقدامات کررہی ہے۔ ملکی ریئل اسٹیٹ سیکٹر کی موجودہ فضا کو دیکھ کر یہ یقین سے کہا جاسکتا ہے کہ ہم بطور ایک قوم معاشی استحکام کے راستے پر ہیں۔

چیئرمین بی ایم اے گروپ معظم ملک کا کہنا تھا کہ ریئل اسٹیٹ سیکٹر کی ترقی کیلئے موجودہ حکومت نے جو اقدامات کیے ہیں اُس سے تعمیراتی صنعت میں کافی مثبت رجحان دیکھا گیا ہے اور یہ بات وثوق سے کہی جاسکتی ہے کہ پاکستان کا ریئل اسٹیٹ سیکٹر یہاں سے مزید ترقی پائیگا۔




[ad_2]

اب سمندر پار پاکستانی ‘روشن اپنا گھر اسکیم’ کے ذریعے پاکستان میں اپنا گھر خرید سکیں گے

[ad_1]


Post Views:
5

وزیر اعظم پاکستان عمران خان نے سمندر پار پاکستانیوں کے لیے روشن اپنا گھر اسکیم کا باقاعدہ طور پر افتتاح کر دیا ہے جسے عالمی سطح پر اغیارِ غیر میں مقیم پاکستانیوں کی جانب سے سراہا جا رہا ہے۔

اس اسکیم کے تحت اب سمندر پار پاکستانی دنیا بھر میں کہیں سے بھی روشن ڈیجیٹل اکاؤنٹ کے ذریعے پاکستان میں اپنا گھر خرید سکتے ہیں یا فنانس کرواسکتے ہیں۔

اپنا گھر روشن اسکیم اسٹیٹ بینک آف پاکستان کی جانب سے رواں برس 25 اگست کو متعارف کرائی گئی تھی۔ اب بیرون ملک مقیم پاکستانی گھر بیٹھے ڈیجیٹل طریقے سے اسکیم میں شامل ہوسکتے ہیں۔ اس سلسلے میں روشن اپنا گھر اسکیم میں ٹیکس کا نظام سادہ اور حتمی رکھا گیا ہے۔

روشن اپنا گھر اسکیم میں جائیداد کی فروخت کی صورت میں رقم مکمل طور پر قابل منتقل ہوگی، جب کہ کوئی اس سے متعلق کوئی پوچھ گچھ نہیں کرے گا۔ روشن اپنا گھر اسکیم میں فنانسنگ پرکشش شرح منافع پر دی جائے گی۔

جیسا کہ ہم جانتے ہیں کہ رواں برس سمندر پار پاکستانیوں نے 29 ارب روپے کے ترسیلاتِ زر پاکستان بھیجے جو ایک ریکارڈ ہے۔ یاد رہے کہ تمام تر مشکلات کے باوجود رواں سال ترسیلاتِ زر میں 5 ارب روپے کا اضافہ ریکارڈ کیا گیا۔

اس سے قبل وفاقی حکومت کی جانب سے بیرون ملک مقیم پاکستانیوں کے لیے روشن ڈیجیٹل اکاؤنٹ کے ذریعے پاکستان میں اپنے عزیزوں کے لیے گاڑی خریدنے کی سکیم ’روشن اپنی کار‘ کا بھی افتتاح کیا گیا۔

سکیم کے تحت روشن ڈیجیٹل پلیٹ فارم کے ذریعے پاکستانی شہری اب بیرون ملک رہتے ہوئے پاکستانی بینکوں سے ڈیجیٹل طریقے سے گاڑی خرید سکتے ہیں۔

سينيٹر فيصل جاويد نے اپنے ایک ٹويٹ ميں کہا ہے کہ اوورسيز پاکستانيوں نے دو لاکھ روشن ڈيجيٹل اکاؤنٹ کھلوائے جبکہ ايک سال سے کم عرصے ميں اربوں روپے جمع کرائے گئے ۔ ان کا کہنا ہے کہ نيا پاکستان سرٹيفکيٹ ميں اب تک 1.4 ارب ڈالرز کی سرمايہ کاری ہوچکی ہے جو کہ اسٹیٹ بینک کا ڈیجیٹل سیکٹر میں بہترین اقدام ہے۔

غیر مقیم پاکستانی اب روشن ڈیجیٹل اکاؤنٹ کے ذریعے پاکستان میں گھر خرید سکتے ہیں یا فنانسنگ حاصل کر سکتے ہیں۔

اس میں کہا گیا ہے کہ روشن ڈیجیٹل اکاؤنٹ اسٹیٹ بینک آف پاکستان کا ایک اہم اقدام ہے جو 10 ستمبر 2020 کو پاکستان میں کام کرنے والے کمرشل بینکوں کے تعاون سے شروع کیا گیا۔

یہ اکاؤنٹس لاکھوں غیر مقیم پاکستانیوں کے لیے جدید بینکاری حل فراہم کرتے ہیں جو پاکستان میں بینکاری، ادائیگی اور سرمایہ کاری کی سرگرمیاں شروع کرنے کے خواہاں ہیں۔

اس اقدام کے تحت بیرون ملک مقیم پاکستانیوں کو کئی مالیاتی مصنوعات فراہم کی گئی ہیں جن میں سرمایہ کاری کے لیے نیا پاکستان سرٹیفکیٹ ، روشن اپنی کار فنانسنگ اور خیراتی اداروں کو عطیہ کرنے کے لیے روشن سما جی خدمت شامل ہیں۔

روشن اپنا گھر اسی طرز کی نئی طرز زندگی کی بینکنگ مصنوعات ہے۔ غیر مقیم پاکستانی بینک کے پہلے سے منظور شدہ پراجیکٹس یا کسی دوسری پراپرٹی سے گھر خرید سکتے ہیں یا فنانس کر سکتے ہیں۔ ٹیکس نظام آسان اور حتمی ہے۔ جائیداد کی فروخت کی صورت میں ، سرمایہ کی گئی اصل رقم بغیر کسی اجازت کے بیرون ملک بھیجی جا سکتی ہے۔

واضح رہے کہ روشن ڈیجیٹل اکاؤنٹ کا آغاز ستمبر 2020 میں ہوا تھا۔

روشن ڈیجیٹل اکاؤنٹ کیا ہے؟

دنیا میں پاکستانی کہیں بھی بستے ہوں اب انھیں ملک میں بینک اکاونٹ کھلوانے کے لیے وطن آنے کی ضرورت نہیں۔ سٹیٹ بنک آف پاکستان نے ملک کے آٹھ بڑے بینکوں کے تعاون سے روشن ڈیجیٹل اکاؤنٹ متعارف کروایا جس کی بدولت بیرون ملک مقیم پاکستانی اب گھر بیٹھے ملک کے کسی بھی بینک میں باآسانی اپنا اکاؤنٹ کھول سکتے ہیں ۔

اسٹیٹ بینک کی جانب سے روشن ڈیجیٹل اکاؤنٹ کھلوانے کے لیے آسان قوانین وضع ھیے گءے تاکہ بیرون ملک مقیم پاکستانی سٹاکس، ریئل سٹیٹ اور ٹی بلز میں بیٹھے بٹھائے باآسانی سرمایاکاری کر سکیں۔

روشن ڈیجیٹل اکاؤنٹ کن بینکوں میں کھلوایا جاسکتا ہے؟

روشن ڈیجیٹل اکاؤنٹ 8 بڑے بینکوں میں کھلوایا جاسکتا ہے جن میں حبیب بینک، سامبا بینک، میزان بینک، بینک الفلاح، فیصل بینک، یوبی ایل، اسٹینڈرڈ چارٹرڈ بینک اور ایم سی بی شامل ہیں۔

روشن ڈیجیٹل اکاؤنٹ کھلوانے کا طریقہ کار

جن بینکوں کو روشن ڈیجیٹل اکاؤنٹ کھولنے کی اسٹیٹ بنک نے اجازت دی ہے ان بینکوں کی ویب سائٹ پر جائیں اور روشن ڈیجیٹل لنک پر کلک کرکے اپلائی کریں یا اسٹیٹ بنک کے اس پیج پر جائیں جہاں روشن ڈیجیٹل اکاؤنٹ کھولنے والے بینکوں کی فہرست موجود ہے، اپنے مطلوبہ بنک کی ویب سائٹ پر کلک کرکے ، آپکے سامنے اس بنک کا “اپلائی روشن ڈیجیٹل اکاؤنٹ” کا پیج اوپن ہوجائے گا جہاں آپ اپنی انفارمیشن ایڈ کرکے اپلائی کرسکتے ہیں۔

اپلائی کیجئے

روشن ڈیجیٹل اکاؤنٹ اپلائی کرنے کیلئے آپکو اپنی تصویر، شناختی کارڈ، پاسپورٹ، بیرون ملک قیام کا پروف، ملازمت کرنیوالوں کو جاب سرٹیفکیٹ یا سیلری سلپ جبکہ بیرون ملک کاروباری حضرات کو ٹیکس ریٹرن یا اپنا ذریعہ آمدن جیسے دستاویزات اپلوڈ کرنا ہوں گے۔

فارم پُرکرتے وقت اکاؤنٹ کیلئے وہ اپنا ای میل اکاؤنٹ جسے آپ باقاعدگی سے استعمال کرتے ہیں اور اسی طرح اپنا ذاتی فون نمبر یا موبائل نمبر بھی ٹھیک طریقے سے درج کریں۔

جب آپ فارم پُرکردیں گے تو 48 گھنٹے بعد آپکو کنفرمیشن ای میل آئے گی جو آپکو آپکے اکاؤنٹ کا سٹیٹس بتائے گی۔ اگر آپ کا اکاؤنٹ اوپن ہوجائے تو آپ فنڈ ٹرانسفر سمیت دیگر سرگرمیوں کے اہل ہوں گے۔

مزید خبروں اور اپڈیٹس کے لیے وزٹ کیجئے گرانہ بلاگ۔




[ad_2]

روشن اپنا گھر پروگرام کا آغاز کردیا گیا

[ad_1]


Post Views:
0

اسلام آباد: اسٹیٹ بینک آف پاکستان (ایس بی پی) نے بیرونِ ملک مقیم پاکستانیوں کے لیے روشن اپنا گھر پروگرام کا آغاز کردیا ہے۔

تفصیلات کے مطابق اس سکیم کے تحت دنیا بھر میں موجود پاکستانی اپنے روشن ڈیجیٹل اکاؤنٹ کا استعمال کرتے ہوئے پاکستان میں کسی بھی جگہ اپنا گھر خرید سکیں گے۔

اس ضمن میں مختلف بینکوں کے ساتھ بات کرلی گئی ہے جس کے نتیجے میں یہ طے پایا ہے کہ سمندر پار پاکستانیوں کو اپنے گھر کے لیے نجی بینک آسان قرضے دیں گے۔ ساتھ ہی ساتھ یہ بھی طے پایا ہے کہ کچھ خصوصی سہولیات بھی دی جائیں گی جو محض اوورسیز پاکستانیوں کو ہی میسر ہوں گی۔

پاکستان کی تاریخ میں پہلی بار بیرون ملک مقیم پاکستانی اعتماد کے ساتھ ڈیجیٹل پراسیس کے ذریعے پاکستان میں ہاؤسنگ میں سرمایہ کاری اور گھر کے لئے بینکوں سے آسان فنانسنگ حاصل کرسکیں گے۔

اسٹیٹ بینک آف پاکستان نے نیا پاکستان ہاؤسنگ اتھارٹی سمیت تمام سٹیک ہولڈرز سے مشاورت کے بعد یہ سکیم تیار کی ہے۔

مزید خبروں اور اپڈیٹس کے لیے وزٹ کیجئے گرانہ بلاگ۔




[ad_2]

اسٹیٹ بینک کے روشن اپنا گھر سکیم کا رواں ہفتے آغاز

[ad_1]


Post Views:
7

اسلام آباد: اسٹیٹ بینک آف پاکستان (ایس بی پی) نے بیرونِ ملک مقیم پاکستانیوں کے لیے روشن ڈیجیٹل اکاؤنٹ اور روشن اپنی کار اسکیم کے بعد پاکستان میں آسان شرائط پر اپنا گھر خریدنے کی سکیم متعارف کرنے کا فیصلہ کرلیا ہے۔

اس پروگرام کا نام روشن اپنا گھر سکیم رکھا گیا ہے۔

تفصیلات کے مطابق اس سکیم کے تحت دنیا بھر میں موجود پاکستانی اپنے روشن ڈیجیٹل اکاؤنٹ کا استعمال کرتے ہوئے پاکستان میں کسی بھی جگہ اپنا گھر خرید سکیں گے۔

اس ضمن میں مختلف بینکوں کے ساتھ بات کرلی گئی ہے جس کے نتیجے میں یہ طے پایا ہے کہ سمندر پار پاکستانیوں کو اپنے گھر کے لیے نجی بینک آسان قرضے دیں گے۔ ساتھ ہی ساتھ یہ بھی طے پایا ہے کہ کچھ خصوصی سہولیات بھی دی جائیں گی جو محض اوورسیز پاکستانیوں کو ہی میسر ہوں گی۔

اس سکیم کا باقاعدہ افتتاح کل یعنی بروز جمعہ کیا جائیگا۔

مزید خبروں اور اپڈیٹس کے لیے وزٹ کیجئے گرانہ بلاگ۔




[ad_2]