ایس بی پی کی اسکیم کے تحت 521 سولر پراجیکٹس کا آغاز



Post Views:
15

اسلام آباد: اسٹیٹ بینک آف پاکستان (ایس بی پی) کے گورنر باقر رضا کا کہنا ہے رنیوایبل انرجی فنانسنگ سکیم کے تحت بینکوں نے 521 سولر پراجیکٹس کو 36 ارب روپے جاری کردیئے ہیں۔

وہ ایک ويبینار سے خطاب کررہے تھے جہاں اُن کا کہنا تھا کہ ان منصوبوں سے 850 میگاواٹ بجلی پیدا ہوگی۔

اُنہوں نے کہا کہ پاکستان ماحولیاتی تبدیلیوں کی وجہ سے ایسے چیلنجوں کا مقابلہ کررہا ہے جن کے لیے ماحول دوست منصوبوں کی اشد ضرورت ہے۔

اُن کا مزید کہنا تھا کہ ایسے ماحول دوست منصوبوں کے لیے بینکوں کی جانب سے رقوم کا اجراء پاکستان کو اس قابل بنائے گا کہ وہ ماحولیاتی تبدیلی کا مقابلہ کر سکے۔

مزید خبروں اور اپڈیٹس کے لیے وزٹ کیجئے گرانہ بلاگ۔




ہوشاب تا آواران سڑک کی تعمیر کا آغاز


Post Views: 0

اسلام آباد: چیئرمین سی پیک اتھارٹی لیفٹننٹ جنرل (ر) عاصم سلیم باجوہ کا کہنا ہے کہ پاک چین اقتصادی راہداری کے تحت ہوشاب تا آواران سڑک کی تعمیر کا آغاز کردیا گیا ہے۔

یہ سڑک 146 کلومیٹر طویل ہے جس کے ذریعے گوادر بندرگاہ کو سندھ سے جوڑا جا سکے گا۔

وہ سماجی رابطے کی ویب سائٹ ٹویٹر پر اظہارِ خیال کررہے تھے جہاں اُن کا کہنا تھا کہ بلوچستان میں سڑکوں کی تعمیر اُن کی اولین ترجیح ہے تاکہ گوادر بندرگاہ تک آسانی سے رسائی ہوسکے۔

اُن کا کہنا تھا کہ سی پیک آگے بڑھ رہا ہے جس کے ساتھ ہی پاکستان بھی آگے بڑھ رہا ہے۔

مزید خبروں اور اپڈیٹس کے لیے وزٹ کیجئے گرانہ بلاگ۔