ڈیجیٹل پاکستان وژن کے تحت آئی ٹی برآمدات میں 43 فیصد اضافہ


Post Views:
0

 

اسلام آباد:  ڈیجیٹل پاکستان وژن کے تحت ملک میں ایک سال کے دوران آئی ٹی ایکسپورٹ میں 5 کروڑ 90 لاکھ امریکی ڈالر کا اضافہ ریکارڈ کیا گیا۔

تفصیلات کے مطابق وزیراعظم کے مشیر برائے تجارت اور سرمایہ کاری عبدالرزاق دائود نے کہا ہے کہ آئی ٹی کی برآمدات میں 43 فیصد اضافہ خوش آئند ہے۔

ایک ٹویٹ میں انہوں نے آئی ٹی برآمدات میں نمایاں اضافے پر خوشی کا اظہار کرتے ہوئے کہا ہے کہ 2020 میں آئی ٹی برآمدات بڑھ کر 194 ملین ڈالر ہو گئیں ہیں ۔ 2019 میں یہ برآمدات 135 ملین ڈالر تھیں۔

وفاقی ادارہ شماریات کے مطابق جولائی تا دسمبر 2020 میں پچھلے سال کے مقابلے میں چالیس فیصد اضافہ ہوا ہے۔ آئی ٹی کی برآمدات اب کل خدمات کی برآمدات کا 33 فیصد ہیں ۔ وزیراعظم کے مشیر برائے تجارت اور سرمایہ کاری  نے اس امید کا اظہار کیا کہ اس سال آئی سی ٹی کی برآمدات دو ارب ڈالر سے تجاوز کر جائیں گی۔

مزید خبروں اور اپڈیٹس کے لیے وزٹ کیجئے گرانہ بلاگ۔

 




اسلام آباد میں آئی ٹی پارک کی تعمیر، کوریا سے گرانٹ کی مد میں 76 ملین ڈالر موصول


Post Views:
3

اسلام آباد: اسلام آباد میں انفارمیشن ٹیکنالوجی پارک کی تعمیر کے لئے جنوبی کوریا سے گرانٹ کی مد میں 76.28 ملین ڈالر موصول ہوگئے ہیں۔

اِس ضمن میں وزارتِ آئی ٹی نے گرانٹ ملنے کی تصدیق کردی ہے اور جلد پراجیکٹ کی تعمیر کے لیے بڈنگ کا سلسلہ کھول دیا جائے گا۔

تفصیلات کے مطابق آئی ٹی پارک کی تعمیر کے مرحلے میں 5 ہزار براہِ راست ملازمتیں پیدا ہوں گی جبکہ تکمیل کے بعد 15 ہزار سے لوگ یہاں برسرِ روزگار ہوسکیں گے۔

مزید خبروں اور اپڈیٹس کے لیے وزٹ کیجئے گرانہ بلاگ۔




پشاور تا ڈی آئی خان موٹروے پر کام جلد شروع کیا جائے گا، وزیرِ اعلیٰ محمود خان


Post Views:
0

پشاور: وزیرِ اعلیٰ خیبر پختونخوا محمود خان کا کہنا ہے کہ پشاور تا ڈی آئی خان موٹروے پر کام رواں حکومتی دور میں شروع کردیا جائے گا۔

وہ پشاور تا ڈی آئی خان موٹروے سے متعلق ایک اجلاس کی صدارت کررہے تھے جس میں اُنہوں نے اس منصوبے کو صوبے کے لیے کلیدی اہمیت کا حامل قرار دیا۔

اُن کا کہنا تھا کہ حکومت ابھی اس منصوبے کی فنڈنگ سے متعلق ذرائع کا تعین کررہی ہے۔

اُن کا کہنا تھا کہ سینٹرل ڈیویلپمنٹ ورکنگ پارٹی اپنے اگلے اجلاس میں منصوبے کی تکنیکی کلیئرنس دے گی۔

مزید خبروں اور اپڈیٹس کے لیے وزٹ کیجئے گرانہ بلاگ۔




اسلام آباد کے سیکٹر آئی 15 میں تعمیراتی کام تیزی سے جاری


Post Views:
1

اسلام آباد: چیئرمین کیپیٹل ڈیویلپمنٹ اتھارٹی (سی ڈی اے) عامر احمد علی کی زیرِ صدارت سیکٹر آئی 15 میں جاری تعمیراتی کام کا جائزہ لیا گیا۔

میٹنگ میں چیئرمین کو بتایا گیا کہ سیکٹر آئی 15 کے ذیلی سیکٹرز 1، 3 اور 4 میں ترقیاتی کام اگلے چند ماہ میں مکمل کرلیا جائے گا۔

اُنھیں بتایا گیا کہ زیرِ زمین اور اوور ہیڈ ٹینکس بنانا شروع کردیئے گئے ہیں اور پلاٹوں کی حوالگی بھی رواں سال مکمل کرلی جائے گی۔

مزید خبروں اور اپڈیٹس کے لیے وزٹ کیجئے گرانہ بلاگ۔




پی آئی بی میں گزشتہ دس ماہ میں 245.65 ملین ڈالر سے زائد کی بیرونی سرمایہ کاری


Post Views:
0

اسلام آباد: پاکستان انویسٹمنٹ بانڈز (پی آئی بی) میں گزشتہ دس ماہ میں 245.64 ملین ڈالر کی سرمایہ کاری ریکارڈ کی گئی۔

اسٹیٹ بینک آف پاکستان کی جاری کردہ تفصیلات کے مطابق اس دورانیے میں اوورسیز سرمایہ کاروں کی جانب سے 21.5 ملین ڈالر کا اخراج بھی کیا گیا۔

اسٹیٹ بینک کا کہنا ہے کہ رواں سال صرف اپریل میں پی آئی بی میں 4.9 ملین ڈالر کی سرمایہ کاری ریکارڈ کی گئی۔

مزید خبروں اور اپڈیٹس کے لیے وزٹ کیجئے گرانہ بلاگ۔