سی پیک کا مغربی روٹ اگلے 3 سالوں میں مکمل کیا جائے گا، چیئرمین سی پیک اتھارٹی



Post Views:
49

اسلام آباد: چیئرمین سی پیک اتھارٹی لیفٹننٹ جنرل (ر) عاصم سلیم باجوہ کا کہنا ہے کہ سی پیک کا مغربی روٹ اگلے 3 سال میں مکمل کرلیا جائے گا۔

اُن کا کہنا تھا کہ ملک سی پیک کے دوسرے فیز میں داخل ہورہا ہے جس میں خصوصی توجہ زراعت اور صنعتکاری پر ہوگی۔

اُن کا کہنا تھا کہ ژوب تا کویٹہ روٹ پر کام شروع کرلیا گیا ہے اور اسی طرح ڈیرہ اسماعیل خان تا ژوب اور اسلام آباد تا ڈیرہ اسماعیل خان روٹ پر بھی تیزی سے کام جاری ہے۔

اُنہوں نے کہا کہ مغربی روٹ سے پسماندہ علاقوں کو ترقی کا موقع ملے گا اور یہاں نوکریاں پیدا ہوں گی۔

مزید خبروں اور اپڈیٹس کے لیے وزٹ کیجئے گرانہ بلاگ۔




ملک میں فن ٹیک کے فروغ کے لیے مربوط پالیسی تیار، چیئرمین ایس ای سی پی


Post Views: 0

اسلام آباد: سیکورٹیز اینڈ ایکسچینج کمیشن آف پاکستان (ایس ای سی پی) کے چیئرمین عامر خان نے کہا ہے کہ کمیشن پاکستان میں فن ٹیکس کے فروغ کے لیے ایک مربوط پالیسی کا قیام کر چکا ہے۔

وہ ایک وبینار سے خطاب کررہے تھے جہاں اُن کا کہنا تھا کہ پاکستان میں فن ٹیک انڈسٹری اُٹھ رہی ہے اور یہ معاشی نمو میں ایک بہتر کردار ادا کر سکتی ہے۔

اُن کا کہنا تھا کہ ایس ای سی پی نے ریگولیٹری سینڈ باکس کا کانسپٹ لانچ کیا ہے جس سے محدود سطح پر جدید پراڈکٹس کی ٹیسٹنگ کی جا سکتی ہے۔

مزید خبروں اور اپڈیٹس کے لیے وزٹ کیجئے گرانہ بلاگ۔




نئے اقتصادی زونز میں ٹیکنالوجی انسٹیٹیوٹ بنائے جائیں گے، چیئرمین سی پیک


Post Views: 0

اسلام آباد: چیئرمین سی پیک اتھارٹی لیفٹینٹ جنرل (ر) عاصم سلیم باجوہ کا کہنا ہے کہ سی پیک کے تحت بنائے جانے والے خصوصی اقتصادی زونز میں ٹیکنالوجی انسٹیٹیوٹس پر خصوصی توجہ دی جائے گی۔

اُنہوں نے کہا کہ ان ٹیکنالوجی انسٹیٹیوٹس سے ہماری نوجوان نسل کو جدید تعلیم ملے گی جس سے سی پیک کے تحت اُن کی نوکریوں کا انتظام ہوگا۔

اُن کا مزید کہنا تھا کہ گوادر ٹیکنیکل انسٹیٹیوٹ کا اجراء بھی جلد ہونے کو ہے۔

اُنہوں نے کہا کہ صنعت، زراعت، سماج و معیشت اور گوادر نیو سٹی پر اُن کی خصوصی توجہ ہے اور پاک چین کی باہمی شراکت اس ضمن میں کلیدی ہے۔

مزید خبروں اور اپڈیٹس کے لیے وزٹ کیجئے گرانہ بلاگ۔