اگلے وفاقی بجٹ میں ٹیکس وصولیوں کا ہدف 5 ہزار 829 ارب مقرر کرنے کا فیصلہ


Post Views:
4

اسلام آباد: ایف بی آر نے اگلے وفاقی بجٹ میں 24 فیصد اضافے کے ساتھ ٹیکس وصولیوں کا ہدف 5 ہزار 829 ارب مقرر کرنے کا فیصلہ کیا ہے۔

اگلے وفاقی بجٹ کی تفصیلات کے مطابق سیلز ٹیکس کی مد میں وصولیوں کا ہدف  2 ہزار 506 ارب روپے رکھا گیا ہے۔

میڈیا رپورٹس کے مطابق براہ راست انکم ٹیکس وصولیوں کا ہدف 2 ہزار 182 ارب مقرر کرنے کا فیصلہ کیا گیا ہے، ان ڈائریکٹ ٹیکسوں کے علاوہ سیلز ٹیکس کی مد میں وصولیوں کا ہدف 2 ہزار 506 ارب ہے۔

فیڈرل ایکسائز ڈیوٹی کی مد میں وصولیوں کا ہدف 356 ارب روپے، کسٹمز ڈیوٹی کی مد میں وصولیوں کا ہدف 785 ارب، انکم ٹیکس وصولیوں کے لیے گروتھ کا ہدف 22 فیصد اور سیلز ٹیکس وصولیوں میں گروتھ کا ہدف 30 فیصد رکھا جائے گا۔

رپورٹس کے مطابق اگلے مالی سال میں فیڈرل ایکسائز ڈیوٹی کی مد میں شرح نمو کا ہدف 29 فیصد رکھا جائے گا، کسٹمز ڈیوٹی کی مد میں گروتھ کا ہدف 12.1 فیصد مقرر کرنے، اشیا پر سیلز ٹیکس کی مد میں 2 ہزار 503 ارب 39 کروڑ وصول کرنے کا ہدف مقرر کرنے اور سروسز پر سیلز ٹیکس وصولیوں کا ہدف 2 ارب 61 کروڑ مقرر کرنے کا فیصلہ کیا گیا ہے۔

مزید خبروں اور اپڈیٹس کے لیے وزٹ کیجئے گرانہ بلاگ۔




ایف بی آر نے ٹیکس آڈٹ کے لیے آن لائن نظام متعارف کروا دیا


Post Views:
3

اسلام آباد: فیڈرل بورڈ آف ریونیو (ایف بی آر) نے ٹیکس آڈٹ اور تخمینے کی آن لائن الیکٹرانک سماعت متعارف کروادی۔

ایف بی آر کی جانب سے جاری کردہ اعلامیہ میں کہا گیا ہے کہ آئرس پورٹل پر الیکٹرانک ‏سماعت کا نظام فعال کردیا گیا ہے۔ آن لائن سماعت کے ذریعے ایف بی آر دفاتر اور ٹیکس گزار کہیں سے بھی سماعت کی کاروائی میں حصہ لے سکیں گے۔

ایف بی آر کے مطابق سماعت کو  نہ صرف ریکارڈ بلکہ دیگر قانونی اور انتظامی امور سے متعلق استعمال میں بھی لایا جاسکے گا۔

اعلامیے کے مطابق الیکٹرانک سماعت کا لارجر ٹیکس پیئر یونٹ (ایل ٹی پی) اسلام آباد، ریجنل ٹیکس آفس (آر ٹی او) کے راولپنڈی، فیصل آباد اور پشاور میں قائم دفاتر سے آغاز کردیا گیا ‏ہے۔

ایف بی آر کا کہنا ہے کہ الیکٹرانک سماعت کا نظام ایف بی آر کے تمام ذیلی دفاتر میں بھی متعارف کروایا جائے گا۔

اعلامیے میں کہا گیا ہے کہ اس نظام کی مدد سے ٹیکس گزاروں کو ایف بی آر کے ذیلی دفاتر نہیں جانا پڑے گا جبکہ یکم جولائی ‏‏2021 سے براہ راست سماعتوں کا سلسلہ ختم کر دیا جائے گا۔

مزید خبروں اور اپڈیٹس کے لیے وزٹ کیجئے گرانہ بلاگ۔