واسا فیصل آباد نے 24 میگاواٹ سولر پلانٹ لگانے کا فیصلہ کرلیا



Post Views:
1

فیصل آباد: واٹر اینڈ سینیٹیشن ایجنسی (واسا) فیصل آباد نے 24 میگاواٹ سولر پلانٹ لگانے کا فیصلہ کرلیا ہے جس پر 4 ارب روپے کی لاگت آئے گی۔

تفصیلات کے مطابق یہ فیصلہ توانائی کے مسائل اور واسا کے مالیاتی خسارے کے خاتمے کے لیے لیا گیا ہے۔

واسا کے منیجنگ ڈائریکٹر جبار انور چودھری کا کہنا ہے کہ 24 میگاواٹ سولر پلانٹ کا پی سی ون منظور کرنے کے لیے متعلقہ حکام کو بھیج دیا گیا ہے جبکہ اس کو سی پیک میں شامل کرنے کی مکمل کوشش کی جا رہی ہے۔

مزید خبروں اور اپڈیٹس کے لیے وزٹ کیجئے گرانہ بلاگ۔




واسا ہیڈ کوارٹر میں آتشزدگی کا واقعہ، عملہ و سرکاری ریکارڈ محفوظ


Post Views: 3

راولپنڈی: واٹر اینڈ سینیٹیشن ایجنسی (واسا) کی ہیڈ کوارٹر بلڈنگ لیاقت باغ میں آتشزدگی کا واقعہ پیش آیا تاہم ریسکیو 1122 کی بروقت کارروائی سے کوئی جانی و مالی نقصان نہیں ہوا۔

تفصیلات کے مطابق شام 6 بج کر 20 منٹ پر واسا ہیڈ کوارٹر بلڈنگ لیاقت باغ کے ایک کمرے میں اچانک آگ بھڑک اٹھنے کی اطلاع موصول ہوئی جس پر فوری طور پر ریسکیو 1122 کی ٹیم نے قابو پا لیا۔

منیجنگ ڈائریکٹر واسا راجہ شوکت محمود کے مطابق صرف ایک کمرہ جو کہ واسا اسٹاف کے زیرِ استعمال ہے اُس میں پرنٹر اور میز کو نقصان پہنچا۔

اُن کا کہنا تھا کہ بظاہر آگ لگنے کی وجہ شارٹ سرکٹ معلوم ہوتی ہے تاہم انکوائری کمیٹی تشکیل دے کر انکوائری کے احکامات جاری کردیئے گئے ہیں۔

مزید خبروں اور اپڈیٹس کے لیے وزٹ کیجئے گرانہ بلاگ۔