یومِ آزادی کے پیشِ نظر گرانہ ڈاٹ کام نے کیا سائکلنگ سنڈے کے خصوصی ایڈیشن کا انعقاد


Post Views:
7

گرانہ ڈاٹ کام نے پاکستان کے 75 ویں یومِ آزادی کے پیشِ نظر آزادی رائیڈ (سائکلنگ سنڈے) کا خصوصی انعقاد کیا۔  آزادی رائیڈ کا آغاز جناح ایوینو، بیورلی سینٹر، سے شام 6 بجے ہوا اور یہ رائیڈ ڈی چوک پر اختتام پذیر ہوئی۔

سائکلنگ ایونٹ میں جڑواں شہروں سے زندگی کے مختلف شعبوں سے تعلق رکھنے والے افراد نے بھرپور حصہ لیا۔ حاضرین نے سبز ہلالی پرچم لہرا کر وطن سے محبت کا اظہار اور اس کی خوشحالی کے عزم کا اعادہ کیا۔

اس موقع پر سی ای او گرانہ ڈاٹ کام شفیق اکبر کا کہنا تھا کہ ایک آزاد ریاست قدرت کی عطا کردہ بڑی نعمتوں میں سے ایک ہے۔ اُن کا کہنا تھا کہ پاکستان وہ مُلک ہے جہاں ہر شہری کو ترقی کے یکساں مواقع دستیاب ہیں اور سبھی کو شب و روز اس مملکتِ خداداد کی خوشحالی کے لیے کام کرنا چاہیے۔

گروپ ڈائریکٹر گرانہ فرحان جاوید کا کہنا تھا کہ ہر سال 14 اگست کا دن، مُلک و قوم کی ترقی کے ہمارے ولولوں میں ایک نئی روح، ایک نئی جہت پیدا کرتا ہے۔

حکام نے ایونٹ کی زبردست میزبانی کی اور اس بات پر زور دیا کہ وفاقی دارلحکومت کو سائیکل دوست شہر بنایا جائے اور یہاں بہترین سائکلنگ انفراسٹرکچر، مخصوص سائکلنگ لینز اور پارکنگ اسپیسز تشکیل دیے جائیں اور شہر میں ماحول دوست سرگرمیوں کا ادراک ہو۔

مزید خبروں اور اپڈیٹس کے لیے وزٹ کیجئے گرانہ بلاگ۔




حکومت نے بلوچستان کو تاریخی ڈویلپمنٹ پیکج دیا، فواد چودھری


Post Views:
3

اسلام آباد: وفاقی وزیر برائے اطلاعات و نشریات فواد چودھری کا کہنا ہے کہ بلوچستان کی تعمیر و ترقی حکومت کی اولین ترجیحات میں سے ایک ہے۔

وہ گورنر بلوچستان سید ظہور آغا سے ملاقات کے دوران اظہارِ خیال کررہے تھے۔

اُن کا کہنا تھا کہ حکومت بلوچستان کو تاریخی ڈویلپمنٹ پیکج دیا جو کہ صوبے کے لیے ایک گیم چینجر ثابت ہوگا۔

گورنر بلوچستان نے بھی اس بات کی توثیق کرتے ہوئے کہا کہ حکومت صوبہ بلوچستان کی محرومی کے احساس کو ختم کرنے کے لیے ہر ممکن کوشش کررہی ہے۔

مزید خبروں اور اپڈیٹس کے لیے وزٹ کیجئے گرانہ بلاگ۔




پنجاب حکومت نے 3 ہزار سے زائد ترقیاتی منصوبوں کے لیے 131 ارب روپے جاری کردیئے


Post Views:
3

لاہور: پنجاب فنانس ڈیپارٹمنٹ نے 3 ہزار سے زائد ترقیاتی منصوبوں کے لیے 131 ملین روپے جاری کردیئے ہیں۔

تفصیلات کے مطابق چیئرمین پلاننگ اینڈ ڈویلپمنٹ بورڈ عبداللہ خان سنبل کی زیرِ صدارت پی اینڈ ڈی کمپلیکس میں ایک اجلاس ہوا۔

جاری منصوبوں کے لیے تمام تر فنڈز یکم جولائی 2021 کو جاری کیے گئے۔

اجلاس کو یہ بھی بتایا گیا کہ 4,680 منصوبوں میں سے 3,179 منصوبے منظور کر لیے گئے ہیں۔

مزید خبروں اور اپڈیٹس کے لیے وزٹ کیجئے گرانہ بلاگ۔




سی ڈی اے نے اسلام آباد میں حالیہ بارشوں اور سیلابی صورتحال سے متعلق نکاسی آب کا عمل مکمل کر لیا


Post Views:
2

اسلام آباد: کیپیٹل ڈیولپمنٹ اتھارٹی (سی ڈی اے) نے اسلام آباد میں حالیہ بارشوں اور سیلابی صورتحال سے متعلق نکاسی آب کا عمل مکمل کر لیا۔

تفصیلات کے مطابق اسلام آباد میں 3 گھنٹوں میں 350 ملی میٹر بارش ریکارڈ ہوئی جس کے بعد مختلف علاقوں میں شہریوں کو سیلابی صورتحال کا سامنا کرنا پڑا۔

اس کے بعد سی ڈی اے انتظامیہ نے ہنگامی صورتحال کے پیشِ نظر تمام سڑکوں اور شاہراہوں کو کلیئر کرنے کا عمل شروع کیا۔

میڈیا رپورٹس کے مطابق اسلام آباد میں آنے والے دنوں میں مزید بارشیں متوقع ہیں جس کی وجہ سے فلڈ سیل کا قیام کردیا گیا ہے۔

مزید خبروں اور اپڈیٹس کے لیے وزٹ کیجئے گرانہ بلاگ۔




کے پی حکومت نے ترقیاتی منصوبوں کی بروقت تکمیل کے لیے مانیٹرنگ سسٹم کا قیام کردیا


Post Views:
12

پشاور: خیبر پختونخوا حکومت نے صوبے میں جاری ترقیاتی منصوبوں کی بروقت تکمیل کے لیے مانیٹرنگ سسٹم کا قیام کردیا ہے۔

اس ضمن میں پلاننگ اینڈ ڈویلپمنٹ ڈیپارٹمنٹ نے متعلقہ محکموں کو احکامات جاری کیے ہیں کہ وہ تمام تر انتظامات مکمل کریں

پلاننگ اینڈ ڈویلپمنٹ ڈیپارٹمنٹ سے منظوری کے بعد جاری ترقیاتی منصوبوں کی اسپیشل مانیٹرنگ کی جائے گی۔

پلاننگ اینڈ ڈویلپمنٹ ڈیپارٹمنٹ کا کہنا ہے کہ اس اقدام سے تمام تر منصوبوں کی پیش رفت اور بروقت تکمیل کی بہتر جانچ یقینی ہوگی۔

مزید خبروں اور اپڈیٹس کے لیے وزٹ کیجئے گرانہ بلاگ۔




اینٹی کرپشن اسٹیبلشمنٹ پنجاب نے سی ڈی اے سے رنگ روڈ پراجیکٹ کا ریکارڈ طلب کرلیا


Post Views:
1

اسلام آباد: اینٹی کرپشن اسٹیبلشمنٹ پنجاب نے کیپیٹل ڈیولپمنٹ اتھارٹی (سی ڈی اے) سے رنگ روڈ پراجیکٹ کا ریکارڈ طلب کرلیا.

میڈیا رپورٹس کے مطابق سی ڈی اے بورڈ ممبران نے اس ضمن میں اینٹی کرپشن اسٹیبلشمنٹ پنجاب کے ساتھ مکمل تعاون کا فیصلہ کیا ہے۔

سی ڈی اے کا کہنا ہے کہ اُن سے رنگ روڈ کے اُس حصے کا ریکارڈ مانگا گیا ہے جو کہ اسلام آباد کی حدود میں آتا ہے اور رنگ روڈ منصوبے کا دو کلومیٹر حصہ بنتا ہے۔

یاد رہے کہ رنگ روڈ پراجیکٹ پر کام اپریل کے وسط میں روک دیا گیا تھا جب چند ہاؤسنگ سوسائٹیز کو فائدہ پہنچانے کے لیے پراجیکٹ کی الائنمنٹ میں تبدیلی کا الزام منظرِ عام پر آیا۔

اس ضمن میں پنجاب اینٹی کرپشن اسٹیبلشمنٹ نے گزشتہ دنوں ایک انکوائری کے پیشِ نظر سابق کمشنر راولپنڈی کیپٹن محمد محمود کو گرفتار کیا تھا۔

مزید خبروں اور اپڈیٹس کے لیے وزٹ کیجئے گرانہ بلاگ۔




ایف بی آر نے ریئل اسٹیٹ ایجنٹس کے دفاتر کی آن سائٹ انسپیکشن کا آغاز کردیا


Post Views:
0

اسلام آباد: فنانشل ایکشن ٹاسک فورس کی شرائط کے پیشِ نظر فیڈرل بورڈ آف ریونیو (ایف بی آر) نے ریئل اسٹیٹ ایجنٹس کے دفاتر کی آن سائٹ انسپکشن کا آغاز کردیا ہے۔

اس ضمن میں اُن سے کلائنٹ ڈیٹا کی تفصیلات لی جائیں گی تاکہ مشکوک ٹرانزیکشن رپورٹس (ایس ٹی آر) جاری کی جا سکیں۔

تفصیلات کے مطابق ایف بی آر کی اِن لینڈ ریوینیو سروس نے ریئل اسٹیٹ ایجنٹس کو بذریعہ نوٹس آگاہ کردیا ہے اور اب تک 50 ہزار سے زائد ریئل اسٹیٹ ایجنٹس کو نوٹسز بھیجے گئے ہیں۔

ریئل اسٹیٹ ایجنٹس کو آگاہ کیا گیا ہے کہ ایف بی آر کی ٹیم، ڈپٹی ڈائریکٹر سہیل عباس، متعلقہ افسران اور ڈائریکٹوریٹ اسٹاف دفاتر کا دورہ کریں گے۔

مزید خبروں اور اپڈیٹس کے لیے وزٹ کیجئے گرانہ بلاگ۔




ایل ڈی اے نے 26 غیر قانونی عمارات مسمار کردیں


Post Views:
5

لاہور: لاہور ڈیولپمنٹ اتھارٹی (ایل ڈی اے) نے شہر میں غیر قانونی تعمیرات کے خلاف آپریشن تیز کرتے ہوئے جمعرات کے روز 26 عمارات مسمار کردیں۔

تفصیلات کے مطابق ایل ڈی اے کے ڈائریکٹر جنرل احمد عزیز تارڑ کے کہنے پر آپریشن کیا گیا۔

یہ عمارات کنال روڈ، جی ٹی روڈ اور واہگہ ٹاؤن کے قرب میں واقع ہاؤسنگ سوسائٹیز میں مسمار کی گئیں۔

ایل ڈی اے کا اس ضمن میں کہنا ہے کہ شہری اپنا قیمتی سرمایہ لگانے سے قبل کسی بھی ہاؤسنگ سوسائٹی کی قانونی حیثیت کی جانچ پڑتال کرلیا کریں۔

مزید خبروں اور اپڈیٹس کے لیے وزٹ کیجئے گرانہ بلاگ۔




سی ڈی اے نے اسلام آباد میں 200 پارکس کی تزئین کا کام مکمل کرلیا


Post Views:
2

اسلام آباد: وفاقی وزیرِ داخلہ نے بدھ کے روز ایک بیان میں کہا کہ کیپیٹل ڈیولپمنٹ اتھارٹی (سی ڈی اے) نے گزشتہ 3 سالوں میں 200 پارکس کی تزئین کا کام مکمل کیا۔

اُن کا مزید کہنا تھا کہ سی ڈی اے اسلام آباد میں مزید 4 تاریخی پارکس بنانے والی ہے۔

انہوں نے کہا کہ سی ڈی اے کا مقصد یہ ہے کہ وفاقی دارالحکومت اسلام آباد کو ایک ماڈل سٹی بنایا جائے۔

شیخ رشید کا کہنا تھا کہ اسلام آباد میں صرف خواتین کے لئے بھی ایک بازار بنایا جائے گا اور شہر سے تمام غیر ضروری پولیس ناکے بھی ختم کردیئے گئے ہیں۔

مزید خبروں اور اپڈیٹس کے لیے وزٹ کیجئے گرانہ بلاگ۔




رنگ روڈ کیس، پنجاب اینٹی کرپشن اسٹیبلشمنٹ نے زمہ داروں کے خلاف کارروائی کا آغاز کردیا


Post Views:
1

راولپنڈی: ڈائریکٹر جنرل اینٹی کرپشن اسٹیبلشمنٹ گوہر نفیس نے آج ایک پریس کانفرنس میں گفتگو کرتے ہوئے کہا کہ رنگ روڈ سکینڈل میں ملوث کرداروں کے خلاف کارروائی کا آغاز کردیا گیا ہے۔

میڈیا کو تفصیلات سے آگاہ کرتے ہوئے اُن کا کہنا تھا کہ سابق کمشنر راولپنڈی کیپٹن (ر) محمد محمود اور چیئرمین لینڈ ایکویزشن وسیم تابش کو گرفتار کیا گیا۔

اُن کا کہنا تھا کہ اس ضمن میں 21 ہزار دستاویزات کا جائزہ لیا گیا اور اُس سے یہ بات سامنے آئی کہ پراجیکٹ کی قیمت کو الائنمنٹ کی تبدیلی کے بعد 60 ارب تک پہنچایا گیا۔

انہوں نے کہا کہ پراجیکٹ کی ابتدائی لاگت 40 ارب ڈالر تھی تاہم نقشے میں خود ساختہ تبدیلیاں کر کے اس پراجیکٹ کی قیمت میں اضافہ کیا گیا۔

اُن کا کہنا تھا کہ الائنمنٹ کی تبدیلی کا مقصد وہاں موجود نجی ہاؤسنگ سوسائٹیوں کو فائدہ پہنچانا تھا۔

یاد رہے کہ حکومت نے رنگ روڈ سکینڈل کی انکوائری رپورٹ عید الاضحٰی کے بعد پبلک کرنے کا اعلان کررکھا ہے۔

مزید خبروں اور اپڈیٹس کے لیے وزٹ کیجئے گرانہ بلاگ۔




وزیرِ اعظم نے پنجاب میں ترقیاتی سکیموں پر کام تیز کرنے کی ہدایت کردی


Post Views:
2

اسلام آباد: وزیرِ اعظم عمران خان نے صوبہ پنجاب میں ترقیاتی سکیموں پر کام تیز کرنے کی خصوصی ہدایت کردی۔

تفصیلات کے مطابق اُنہوں نے لاہور کا ایک روزہ دورہ کرنا تھا تاہم موسم کی خرابی کے باعث اُن کا دورہ منسوخ کردیا گیا۔

انہوں نے پنجاب کی سیاسی قیادت کے ساتھ ایک ورچول اجلاس میں شرکت کی جہاں اُن کا کہنا تھا کہ پنجاب کے ڈسٹرکٹ ڈیولپمنٹ پیکج کے تحت تمام منصوبوں کی بروقت تکیمل کی جائے۔

اُنہیں وزیرِ اعلیٰ پنجاب سردار عثمان بزدار کی جانب سے بتایا گیا کہ پنجاب کے بجٹ کا 66 فیصد حصہ ترقیاتی منصوبوں کے لیے مختص کیا گیا ہے۔

اُنہیں یہ بھی بتایا گیا کہ پنجاب میں تعمیرات کے لیے مختص کردہ 560 ارب روپے میں سے 530 ارب روپے رواں مالی سال میں خرچ کیے جائیں گے۔

مزید خبروں اور اپڈیٹس کے لیے وزٹ کیجئے گرانہ بلاگ۔




پنجاب حکومت نے ڈسٹرکٹ ڈیولپمنٹ پیکج کے تحت 360 ارب روپے مختص کردیئے


Post Views:
4

لاہور: وزیرِ اعلیٰ پنجاب سردار عثمان بزدار کہ کہنا ہے کہ پاکستان کی تاریخ میں پہلی بار ڈسٹرکٹ ڈیولپمنٹ پیکج کے تحت 360 ارب روپے مختص کیے گئے ہیں۔

اُن کا کہنا تھا کہ حکومت صوبے کے پسماندہ علاقوں کی حالت تبدیل کرنے کے لئے کوشاں ہے۔

انہوں نے کہا حکومت نے کامیابی سے وزیر آباد میں کارڈیالوجی یونٹ کا قیام کردیا ہے جس پر 3.5 ارب روپے کی لاگت آئی اور ابھی تک 6 لاکھ 50 ہزار مریضوں کا کامیاب علاج ہوچکا ہے۔

مزید خبروں اور اپڈیٹس کے لیے وزٹ کیجئے گرانہ بلاگ۔