زیرِ تعمیر منصوبوں کیلئے بینک فنانسنگ کی اجازت



Post Views:
0

اسلام آباد: اسٹیٹ بینک آف پاکستان (ایس بی پی) نے زیرِ تعمیر رہائشی منصوبوں میں بینک فنانسنگ کے حصول میں خریداروں کی سہولت کیلئے احکامات جاری کردیئے ہیں۔

اس ضمن میں بینکوں اور ڈی ایف آئیز کیلئے گائیڈ لائنز جاری کی گئی ہیں۔

اسٹیٹ بینک کے اس اقدام سے لوگ نہ صرف زیرِ تعمیر منصوبوں کیلئے قرضے لے سکیں گے بلکہ اس سے بینکاری صنعت کیلئے خطرات کم کرنے کا ایک ضروری فریم ورک بھی مہیا ہوجاتا ہے۔

تفصیلات کے مطابق اب لوگوں کو زیرِ تعمیر پراجیکٹس میں مکانات کے حصول میں آسانی ہوگی، جو کہ تعمیر شدہ منصوبوں سے قدرے کم لاگت کے ہیں، اور بینکوں کی جانب سے منصوبوں کی کڑی نگرانی کی جائیگی جس سے اُن کی بروقت تکمیل یقینی ہوگی۔

علاوہ ازیں چونکہ ہاؤسنگ یونٹس نئے ہیں تو خریداروں کو ابتدائی برسوں میں اُس کی بحالی اور مرمت کی کم لگتیں برداشت کرنا پڑیں گی۔

مزید خبروں اور اپڈیٹس کے لیے وزٹ کیجئے گرانہ بلاگ۔




این ایچ اے نے جنوبی بلوچستان کے ترقیاتی منصوبوں پر تعمیراتی کام شروع کر دیا



Post Views:
0

اسلام آباد: وزارت منصوبہ بندی ترقی و اصلاحات کو بتایا گیا ہے کہ این ایچ اے نے جنوبی بلوچستان کے ترقیاتی منصوبے میں شامل ہوشاب   آواران – خضدار سیکشن M-8 آواران – نال 168 کلومیٹر سڑک کی تعمیر شروع کی دیا ہے جبکہ اس منصوبے پر کُل 32 ارب روپے لاگت آئے گی۔

وفاقی وزیر منصوبہ بندی، ترقی و اصلاحات اسد عمر نے اسلام آباد میں جنوبی بلوچستان کے ترقیاتی منصوبے پر پیش رفت کے جائزہ اجلاس کی صدارت کی۔

اجلاس میں بتایا گیا کہ جنوبی بلوچستان ڈویلپمنٹ پیکیج کے فیز I کو کامیابی سے مکمل کر لیا گیا ہے جبکہ ترقیاتی بجٹ میں منظور شدہ منصوبوں کی فہرست سازی، فنڈز کی تقسیم اور منظور شدہ منصوبوں پر تیزی سے عمل درآمد کو یقینی بنانے کے لیے تمام تر وسائل بروئے کار لائے جا رہے ہیں۔

وفاقی وزیر کا کہنا تھا کہ جنوبی بلوچستان کے ترقیاتی کاموں میں سے 90 فیصد منصوبوں کی منظوری دے دی گئی ہے اور وفاقی ترقیاتی بجٹ 2021-22 میں 234.315 ارب روپے شامل کیے گئے ہیں۔

وزیر منصوبہ بندی کو بتایا گیا کہ سی ڈی ڈبلیو پی نے چینی گرانٹ کے ذریعے گوادر پورٹ پر 1.2 ایم جی ڈی پلانٹ کی تنصیب کی منظوری دے دی ہے۔

مزید خبروں اور اپڈیٹس کے لیے وزٹ کیجئے گرانہ بلاگ۔




وزیرِ اعلیٰ بلوچستان نے ترقیاتی منصوبوں کی بروقت تکمیل کی ہدایت کردی



Post Views:
2

کویٹہ: وزیرِ اعلیٰ بلوچستان جام کمال نے صوبے میں جاری ترقیاتی منصوبوں کی بروقت تکمیل کے احکامات جاری کردیئے۔

اُنہوں نے منگل کے روز ایک اعلیٰ سطحی اجلاس کی صدارت کی کہ جس میں صوبے میں جاری ترقیاتی منصوبوں کی پیش رفت، منظوریوں اور فنڈنگ کا جائزہ لیا گیا۔

اُنہوں نے میٹنگ کو 184 فلیگ شپ منصوبوں پر تفصیلی بریفنگ دی۔

اُن کا کہنا تھا کہ رواں مالی سال کے پبلک سیکٹر ڈیویلپمنٹ پروگرام (پی ایس ڈی پی) میں 2 ہزار 286 نئے منصوبے شامل کیے گئے ہیں اور 1 ہزار 525 منصوبے ایسے ہیں جو پہلے سے جاری ہیں۔

مزید خبروں اور اپڈیٹس کے لیے وزٹ کیجئے گرانہ بلاگ۔




خیبر پختونخوا، نیا پاکستان ہاؤسنگ پروگرام کے تحت 9 منصوبوں پر کام جاری


Post Views:
0

پشاور: خیبر پختونخوا میں نیا پاکستان ہاؤسنگ پروگرام کے تحت 9 منصوبوں پر کام تیزی سے جاری ہے۔

یہ 9 منصوبے کُل ملا کر 8 ہزار 5 سو کنال اراضی پر محیط ہیں۔

ان منصوبوں میں مُلازئی ہاؤسنگ سکیم پشاور، جلوزئی ہاؤسنگ سکیم نوشہرہ، حویلی ہاؤسنگ سکیم، جرما ہاؤسنگ سکیم کوہاٹ، ڈنگرام ہاؤسنگ سکیم سوات، سی پیک سٹی اور ہنگو ہاؤسنگ سکیم ماڈل ٹاؤن شامل ہیں۔

تفصیلات کے مطابق مُلازئی ہاؤسنگ سکیم پر کام مکمل کیا جاچکا ہے اور اسنور 164.5 ملین روپے کی لاگت آئی ہے۔ اس اسکیم کے تحت 240 فلیٹ تعمیر کیے گئے ہیں جن کی حوالگی جلد کی جائیگی۔

مزید خبروں اور اپڈیٹس کے لیے وزٹ کیجئے گرانہ بلاگ۔




آر ڈی اے کی جاری ترقیاتی منصوبوں پر نظرِ ثانی


Post Views:
0

راولپنڈی: چیئرمین راولپنڈی ڈیویلپمنٹ اتھارٹی (آر ڈی اے) طارق محمود مرتضیٰ نے گزشتہ روز راولپنڈی میں جاری ترقیاتی منصوبوں کا جائزہ لیا۔

میٹنگ میں ایڈمنسٹریشن اینڈ فنانس ڈائریکٹوریٹ، لینڈ ڈیویلپمنٹ ڈائریکٹوریٹ، ٹریفک انجینئرنگ ڈائریکٹوریٹ، اور اسٹاف مینیجمنٹ ڈائریکٹوریٹ شریک تھے۔

چیئرمین طارق محمود مرتضیٰ کا کہنا تھا کہ بلڈنگ اینڈ زوننگ ریگولیشن 2020 کی تشہیری مہم پر بھرپور توجہ دی جائے۔

اُنہوں نے متعلقہ افسران کو احکامات جاری کیے کہ غیر قانونی تعمیرات کے خلاف بلا خوف و خطر آپریشن جاری رکھا جائے۔

مزید خبروں اور اپڈیٹس کے لیے وزٹ کیجئے گرانہ بلاگ۔




راولپنڈی کے لیے 2 میگا منصوبوں کی تیاری


Post Views:
1

راولپنڈی: راولپنڈی ڈویلپمنٹ اتھارٹی (آر ڈی اے) نے راولپنڈی کے لیے 2 میگا منصوبوں کی تیاری مکمل کرلی۔

تفصیلات کے مطابق کچہری چوک پر ایک سگنل فری انڈر پاس بنایا جائیگا اور فوجی فاؤنڈیشن چوک پر ایک انڈر پاس کی تعمیر ہوگی۔

آر ڈی اے کا کہنا ہے کہ دونوں منصوبے مکمل طور پر سگنل فری اور ماحول دوست ہوں گے۔

آر ڈی اے کے مطابق یہ دونوں منصوبے سگنل فری ہوں گے جن سے شہر کے دیرینہ ٹریفک مسائل حل ہوں گے۔

مزید خبروں اور اپڈیٹس کے لیے وزٹ کیجئے گرانہ بلاگ۔




صوبے میں بڑے پیمانے پر ترقیاتی منصوبوں کا آغاز کردیا گیا، وزیرِ اعلیٰ بزدار


Post Views:
0

لاہور: وزیرِ اعلیٰ پنجاب سردار عثمان بزدار کی ہدایت پر لاہور میں بڑے پیمانے پر ترقیاتی منصوبوں کا آغاز کردیا گیا ہے۔

گزشتہ روز لاہور سے تعلق رکھنے والے پارلیمنٹیرینز کو ڈی جی ایل ڈی اے احمد عزیز تارڑ اور ایم ڈی واسا سید زاہد عزیز نے جاری ترقیاتی منصوبوں پر بریفنگ دی۔

اُنہیں بتایا گیا کہ شہکام چوک فلائی اوور، گلاب دیوی انڈر پاس اور شیرانوالہ فلائی اوور پر کام تیزی سے جاری ہے جس سے شہر کے دیرینہ ٹریفک مسائل کا حل ہوگا۔

مزید برآں پارلیمنٹیرینز کو آگاہ کیا گیا کہ لارنس روڈ، قذافی اسٹیڈیم، کریم پارک راوی روڈ، وارث روڈ اور رسول پارک میں انڈر گراؤنڈ واٹر ٹینکس کا قیام بھی کیا جا رہا ہے جن پر 2 ارب سے زائد کی لاگت آئیگی۔

مزید خبروں اور اپڈیٹس کے لیے وزٹ کیجئے گرانہ بلاگ۔




وزیرِ اعظم نے سندھ میں ترقیاتی منصوبوں کی بروقت تکمیل کی ہدایت کردی


Post Views:
6

اسلام آباد: وزیرِ اعظم عمران خان نے سندھ میں ترقیاتی منصوبوں کی بروقت تکمیل کی ہدایت کردی ہے۔

تفصیلات کے مطابق اُنہوں نے سندھ پیکج کے تحت جاری گرین لائن ٹرانسپورٹ اور دیگر منصوبوں پر پیش رفت رپورٹ طلب کی۔

اُنہوں نے کہا کہ سندھ پیکج کے تحت جاری منصوبے شہر کراچی کے اچھے مستقبل کے لیے اہم ہیں۔۔

مزید خبروں اور اپڈیٹس کے لیے وزٹ کیجئے گرانہ بلاگ۔




وزیرِ پلاننگ سی پیک منصوبوں کی بروقت تکمیل کے لیے کوشاں


Post Views:
5

اسلام آباد: وفاقی وزیر برائے پلاننگ و ڈویلپمنٹ اسد عمر نے پیر کے روز ہدایات جاری کیں کہ پاک چین اقتصادی راہداری (سی پیک) کے تمام تر منصوبوں کی بروقت تکمیل یقینی بنائی جائے۔

وہ پاک چائنہ ریلیشنز اسٹیئرنگ کمیٹی کے ایک اجلاس کی صدارت کررہے تھے جہاں اُن کا کہنا تھا کہ سی پیک میں سرمایہ کاری کرنے والوں کو کسی قسم کی رکاوٹ پیش نہیں آنی چاہیے۔

میٹنگ میں 884 میگا واٹ کا سوئی کیناری پراجیکٹ بھی زیرِ غور آیا جس پر وفاقی وزیر نے متعلقہ افسران کو ہدایت کی کہ پراجیکٹ کے آپریشنل معاملات کو آسان سے آسان تر بنایا جائے۔

مزید خبروں اور اپڈیٹس کے لیے وزٹ کیجئے گرانہ بلاگ۔




پنجاب حکومت نے 3 ہزار سے زائد ترقیاتی منصوبوں کے لیے 131 ارب روپے جاری کردیئے


Post Views:
3

لاہور: پنجاب فنانس ڈیپارٹمنٹ نے 3 ہزار سے زائد ترقیاتی منصوبوں کے لیے 131 ملین روپے جاری کردیئے ہیں۔

تفصیلات کے مطابق چیئرمین پلاننگ اینڈ ڈویلپمنٹ بورڈ عبداللہ خان سنبل کی زیرِ صدارت پی اینڈ ڈی کمپلیکس میں ایک اجلاس ہوا۔

جاری منصوبوں کے لیے تمام تر فنڈز یکم جولائی 2021 کو جاری کیے گئے۔

اجلاس کو یہ بھی بتایا گیا کہ 4,680 منصوبوں میں سے 3,179 منصوبے منظور کر لیے گئے ہیں۔

مزید خبروں اور اپڈیٹس کے لیے وزٹ کیجئے گرانہ بلاگ۔




کے پی حکومت نے ترقیاتی منصوبوں کی بروقت تکمیل کے لیے مانیٹرنگ سسٹم کا قیام کردیا


Post Views:
12

پشاور: خیبر پختونخوا حکومت نے صوبے میں جاری ترقیاتی منصوبوں کی بروقت تکمیل کے لیے مانیٹرنگ سسٹم کا قیام کردیا ہے۔

اس ضمن میں پلاننگ اینڈ ڈویلپمنٹ ڈیپارٹمنٹ نے متعلقہ محکموں کو احکامات جاری کیے ہیں کہ وہ تمام تر انتظامات مکمل کریں

پلاننگ اینڈ ڈویلپمنٹ ڈیپارٹمنٹ سے منظوری کے بعد جاری ترقیاتی منصوبوں کی اسپیشل مانیٹرنگ کی جائے گی۔

پلاننگ اینڈ ڈویلپمنٹ ڈیپارٹمنٹ کا کہنا ہے کہ اس اقدام سے تمام تر منصوبوں کی پیش رفت اور بروقت تکمیل کی بہتر جانچ یقینی ہوگی۔

مزید خبروں اور اپڈیٹس کے لیے وزٹ کیجئے گرانہ بلاگ۔




سندھ میں مختلف ترقیاتی منصوبوں کے لیے 32.4 ارب روپے جاری


Post Views:
0

کراچی: وزیرِ اعلیٰ سندھ سید مراد علی شاہ نے پیر کے روز اعلان کیا کہ سندھ میں مختلف ترقیاتی منصوبوں کے لیے 32.4 ارب روپے جاری کردیئے گئے ہیں۔

اُن کا کہنا تھا کہ سندھ واحد صوبہ ہے جس نے مالی سال کے پہلے ہفتے میں ہی ترقیاتی بجٹ ریلیز کردیا ہے۔

اس ضمن میں لوکل باڈیز کے فنڈز میں پچھلے مالی سال کی نسبت 15 فیصد اضافہ کیا گیا ہے تاکہ ترقیاتی منصوبوں کا فائدہ نچلی سطح تک ہو۔

مزید خبروں اور اپڈیٹس کے لیے وزٹ کیجئے گرانہ بلاگ۔