کنسٹرکشن پیکج کے تحت اب تک 340 ارب کے تعمیراتی منصوبوں کا اندراج



Post Views:
2

اسلام آباد: فیڈرل بورڈ آف ریونیو (ایف بی آر) نے وزیرِ اعظم کے تعمیراتی صنعت کے لیے جاری کردہ مراعاتی پیکج کے تحت اب تک 1083 منصوبوں کا اندراج کرلیا ہے جن کی کُل مالیت 340 ارب روپے ہے۔

تفصیلات کے مطابق منصوبوں کی ریجسٹریشن مکمل طور پر کرلی گئی ہے۔

علاوہ ازیں 43 ارب کے مزید 292 منصوبے مزید بھی پائپ لائن میں ہیں جن میں سے کچھ تاحال ڈرافٹ اسٹیج پر ہیں جبکہ کچھ منظوری کے حتمی عمل سے گزر رہے ہیں۔

وزیرِ اعظم نے اپریل 2019 میں کورونا وبا کے معاشی اثرات کا تدارک کرنے اور تعمیراتی صنعت کا پہیہ کے لئے اس مالیاتی پیکج کا اعلان کیا تھا۔ بعد ازاں اس میں توسیع کی گئی تاکہ سرمایہ کار اس سے مکمل طور پر فائدہ حاصل کر سکیں۔

ایف بی آر کے مطابق کنسٹرکشن پیکج سے تعمیراتی صنعت میں تیزی کا رجحان ہے اور اس سے مستفید ہوا جا رہا ہے۔

مزید خبروں اور اپڈیٹس کے لیے وزٹ کیجئے گرانہ بلاگ۔




سال 2022 میں ترقیاتی منصوبوں کے لیے 900 ارب روپے مختص: وزیرِ خزانہ



Post Views:
0

اسلام آباد: وفاقی وزیرِ خزانہ شوکت ترین نے یہ اعلان کیا ہے کہ سال 2022 میں ترقیاتی منصوبوں کے لیے 900 ارب روپے مختص کردیئے گئے ہیں۔

اُنہوں نے بین الاقوامی خبر رساں ادارے بلومبرگ سے گفتگو کرتے ہوئے کہا کہ حکومت انفراسٹرکچر پراجیکٹس پر 40 فیصد خرچ بڑھانے والی ہے تاکہ کورونا وبا کے معاشی اثرات کا تدارک کیا جا سکے۔

اُن کا کہنا تھا کہ حکومت نے معیشت کو 5 فیصد گروتھ پر لے کر جانے کا فیصلہ کیا ہے اور روزگار کے مواقع پیدا کرنے کے لیے شرح نمو کی یہ سطح ہونا ضروری ہے۔

مزید خبروں اور اپڈیٹس کے لیے وزٹ کیجئے گرانہ بلاگ۔




ملتان کے لیے 14 ترقیاتی منصوبوں کی منظوری



Post Views:
0

ملتان: ملتان کی ڈسٹرکٹ ڈیویلپمنٹ کمیٹی (ڈی ڈی سی) نے 275 ملین روپے کے 14 ترقیاتی منصوبوں کی منظوری دے دی ہے۔

یہ اپروول ڈپٹی کمشنر علی شہزاد کی زیرِ صدارت ایک اجلاس میں دی گئی۔

اِن منصوبوں میں 5 روڈ پراجیکٹس، 7 سکولوں کا قیام اور ایک ایک اسٹریٹ لائٹ اور سیوریج سسٹم کا قیام شامل ہیں۔

مزید خبروں اور اپڈیٹس کے لیے وزٹ کیجئے گرانہ بلاگ۔




وزیرِ اعلیٰ سندھ کی تعمیراتی منصوبوں پر نظرِثانی


Post Views: 0

کراچی: وزیرِ اعلیٰ سندھ سید مراد علی شاہ نے اتوار کے روز کراچی کے مختلف علاقوں کا دورہ کیا جس میں صوبے میں جاری ترقیاتی منصوبوں پر نظرِثانی کی گئی۔

اُنہوں نے شہر میں صفائی ستھرائی اور کورونا ایس او پیز کی صورتحال کا بھی جائزہ لیا۔

اس موقع پر اُن کے ہمراہ مرتضیٰ وہاب، پلاننگ اینڈ ڈویلپمنٹ بورڈ محمد وسیم، سیکریٹری فنانس حسن نقوی اور کراچی پراجیکٹ ڈائریکٹر خالد مسرور تھے۔

اُنہوں نے وائی جنکشن تا گُلبائی سڑک کی تعمیر کا بھی جائزہ لیا جس پر ایک ارب کی لاگت آئے گی۔

اُن کا کہنا تھا کہ یہاں نہ صرف سڑک کی تعمیر ہورہی ہے بلکہ سڑک کی کشادگی کو بھی یقینی بنایا جا رہا ہے۔

وزیرِ اعلیٰ نے سائٹ ایریا کا بھی جائزہ لیا جہاں 17 سڑکوں کی تعمیر کو یقینی بنایا جا رہا ہے۔

بعد ازاں وزیرِ اعلیٰ بنارس اور معمار کے علاقے بھی گئے جہاں کورونا ایس او پیز اور دیگر تعمیراتی منصوبوں کا جائزہ لیا گیا۔

مزید خبروں اور اپڈیٹس کے لیے وزٹ کیجئے گرانہ بلاگ۔




وزیرِ اعظم نے بلوچستان کے لیے معتدد ترقیاتی منصوبوں کا اجراء کردیا


Post Views: 0

کویٹہ: وزیرِ اعظم پاکستان عمران خان نے بلوچستان کے لیے معتدد ترقیاتی منصوبوں کا اجراء کردیا۔

اُنہوں نے نیشنل ہائی وے اتھارٹی (این ایچ اے) کے تحت تین روڈ پراجیکٹس کا بھی سنگِ بنیاد رکھا۔

ان سڑکوں میں 162 کلومیٹر طویل زیارت ہرنائی روڈ، 23 کلومیٹر طویل کویٹہ ویسٹرن بائی پاس اور 11 کلومیٹر طویل ڈیرہ مُراد جمالی بائی پاس شامل ہیں۔

اُنہوں نے کہا کہ مشکل معاشی حالات کے باوجود بلوچستان کی ترقی کے لیے کوئی کسر اٹھا نہ رکھی جائے گی۔

اُن کا کہنا تھا کہ سی پیک کے تحت صوبے کی ترقی وقوع پذیر ہورہی ہے۔

مزید خبروں اور اپڈیٹس کے لیے وزٹ کیجئے گرانہ بلاگ۔




ملتان کے 97 ترقیاتی منصوبوں کے لیے 900 ملین روپے جاری


Post Views: 0

ملتان: ملتان کی ڈسٹرکٹ ڈیویلپمنٹ کمیٹی نے بدھ کے روز شہر کے 97 ترقیاتی سکیموں کے لیے 900 ملین روپے جاری کردیئے۔

ڈسٹرکٹ ڈیویلپمنٹ کمیٹی کے اجلاس کی صدارت ڈپٹی کمشنر علی شہزاد نے کی۔

میٹنگ میں جاری شدہ منصوبوں پر تفصیلی بریفنگ دی گئی۔

اجلاس کو آگاہ کیا گیا کہ شہر میں 32 ہائی ویز پر 410 ملین روپے خرچ کیے جائیں گے جبکہ 23 لوکل گورنمنٹ منصوبوں اور 200 ملین روپے خرچ کیے جائیں گے۔

کمیٹی نے فیصلہ کیا کہ 21.9 ملین روپے کی لاگت سے شہر کی خوبصورتی کے لیے 14 منصوبوں کا آغاز کیا جائے گا۔

ڈپٹی کمشنر نے کہا کہ تمام منصوبوں کو بروقت مکمل کیا جائے جبکہ تعمیراتی سامان کی کوالٹی پر کوئی کمپرومائز نہ کیا جائے۔

مزید خبروں اور اپڈیٹس کے لیے وزٹ کیجئے گرانہ بلاگ۔




گورنر پنجاب نے پوٹھوہار کے لیے صاف پانی کے منصوبوں کی منظوری دے دی


Post Views: 4

لاہور: گورنر پنجاب چوہدری محمد سرور نے خطہ پوٹھوہار کے لیے صاف پانی کے معتدد منصوبوں کی منظوری دے دی۔

اُنہوں نے چیئرمین پنجاب آبِ پاک اتھارٹی راولپنڈی ڈویژن ڈاکٹر شکیل احمد سے گورنر ہاؤس میں ملاقات کی۔

چوہدری سرور کا کہنا تھا کہ نئے منصوبوں پر 4 ارب کی لاگت آئے گی اور منصوبوں کا سنگِ بنیاد اگلے ماہ رکھا جائے گا۔

اُن کا کہنا تھا کہ صوبے کے سبھی اضلاع میں یکساں طور پر منصوبوں کا آغاز کیا جائے گا۔

مزید خبروں اور اپڈیٹس کے لیے وزٹ کیجئے گرانہ بلاگ۔




وزیرِ اعلیٰ بلوچستان کی صوبے میں جاری ترقیاتی منصوبوں پر نظرثانی


Post Views: 0

کویٹہ: وزیرِ اعلیٰ بلوچستان جام کمال خان نے پیر کے روز کویٹہ ڈویژن اور جنوبی بلوچستان میں جاری ترقیاتی منصوبوں پر نظرثانی کی۔

وہ ایک جائزہ اجلاس کی صدارت کررہے تھے کہ جس میں اُن کا کہنا تھا کہ کویٹہ ڈویژن میں 5 بڑے سپورٹس کمپلیکس اور علاقے میں تفریح گاہوں کا قیام اُن کی ترجیح ہے جن کو پبلک سیکٹر ڈیویلپمنٹ پروگرام (پی ایس ڈی پی) میں شامل کیا جائے گا۔

اُنہوں نے ماتحت افسران کو ہدایت کی کہ کویٹہ کی ترقی کے لیے ڈیویلپمنٹ پلان ترتیب دیا جائے۔

مزید خبروں اور اپڈیٹس کے لیے وزٹ کیجئے گرانہ بلاگ۔




سی ڈی ڈبلیو پی نے دو منصوبوں کی منظوری دے دی


Post Views: 4

اسلام آباد: سینٹرل ڈیویلپمنٹ ورکنگ پارٹی (سی ڈی ڈبلیو پی) نے پیر کے روز 196.5 ارب کے دو ترقیاتی منصوبوں کی منظوری دی۔

ان میں سے ایک منصوبہ 191.5 ارب کا حیدر آباد سکھر موٹروے کی تعمیر کا ہے۔

یہ موٹروے گوادر اور کراچی پورٹس کے مابین ایک لنک روڈ کا کردار ادا کریگا۔

سی ڈی ڈبلیو پی نے یہ منصوبہ مزید منظوری کے لیے قومی اقتصادی کونسل کی ایگزیٹو کمیٹی یعنی ایکنک بھیج دیا۔

علاوہ ازیں سی ڈی ڈبلیو پی نے 5 ارب کا ایک اور منصوبہ بھی منظور کیا۔

مزید خبروں اور اپڈیٹس کے لیے وزٹ کیجئے گرانہ بلاگ۔