اپریل میں سیمنٹ کی فروخت میں 40.4 فیصد اضافہ



Post Views:
26

لاہور: آل پاکستان سیمنٹ مینوفیکچررز ایسوسیشن کی جانب سے جاری کردہ اعداد و شمار کے مطابق اپریل کے مہینے میں سیمنٹ کی مقامی اور بیرونی فروخت میں 40.4 فیصد اضافہ ریکارڈ کیا گیا۔

یہ اضافہ اپریل 2020 کے مقابلے میں ریکارڈ کیا گیا اور ماہرین کے مطابق کورونا وبا کے معاشی اثرات کے باوجود یہ ایک بڑی کامیابی ہے۔

رواں سال اپریل میں 4.9 ملین ٹن سیمنٹ کی فروخت ریکارڈ ہوئی جو کہ گزشتہ سال اپریل میں 3.5 ملین ٹن ریکارڈ کی گئی تھی۔

ترجمان آل پاکستان سیمنٹ مینوفیکچررز ایسوسیشن کے مطابق اس سال ماہِ رمضان میں بھی سیمنٹ کی فروخت میں اضافہ دیکھا گیا جو کہ عمومی طور پر کنسٹرکشن کے لحاظ سے ایک جمود کا مہینہ ہوتا ہے۔

مزید خبروں اور اپڈیٹس کے لیے وزٹ کیجئے گرانہ بلاگ۔




ایف بی آر ریوینیو میں 16 فیصد گروتھ ریکارڈ


Post Views: 0

کراچی: فیڈرل بورڈ آف ریونیو (ایف بی آر) نے اپریل کے مہینے میں 384 ارب کی ریکارڈ ٹیکس کلیکشن کی جس پر وزیرِ اعظم پاکستان نے ادارے کی تعریف کی۔

وزیرِ اعظم نے ایف بی آر کے لیے ستائشی ٹویٹ کرتے ہوئے کہا کہ گزشتہ سال اسی ماہ میں ٹیکس کلیکشن 240 ارب تھی اور یہ گزشتہ سال کے مقابلے میں 57 فیصد کا اضافہ ہے۔

ایف بی آر کو جولائی تا اپریل 3976 ارب ریوینیو حاصل ہوا جبکہ گزشتہ سال جولائی تا اپریل 3438 ارب کا ریوینیو اکٹھا ہوا تھا۔ تفصیلات کے مطابق کُل ملا کر یہ 16 فیصد اضافہ ہے۔

مزید خبروں اور اپڈیٹس کے لیے وزٹ کیجئے گرانہ بلاگ۔




ہاؤسنگ فنانس میں ریکارڈ 36 فیصد اضافہ


Post Views: 0

کراچی: اسٹیٹ بینک آف پاکستان (ایس بی پی) کا کہنا ہے کہ ہاؤسنگ اینڈ کنسٹرکشن فنانس میں 36 فیصد اضافہ ریکارڈ کیا گیا ہے۔

اسٹیٹ بینک نے پاکستان بینکرز ایسوسیشن کے ساتھ ایک مشترکہ اعلامیہ جاری کیا جس میں ہاؤسنگ فنانس اور معاشی نمو کے لیے اپنے کیے گئے اقدامات پر بات کی گئی۔

اسٹیٹ بینک کا کہنا تھا کہ بینکوں کا ہاؤسنگ فنانس پورٹ فولیو بڑھ رہا ہے۔ جون 2020 میں بینکوں کا پورٹ فولیو 148 ارب تھا جو کہ مارچ 2021 میں 202 ارب ڈالر ہوگیا ہے۔

بقول اسٹیٹ بینک یہ پچھلے سال میں 54 ارب کا یعنی 36 فیصد اضافہ ہے جو کہ رواں معاشی سال کے پہلے 3 کوارٹرز میں دیکھا گیا۔

مزید خبروں اور اپڈیٹس کے لیے وزٹ کیجئے گرانہ بلاگ۔