راوی شہر منصوبے پر آئندہ دو ماہ میں تعمیراتی سرگرمیاں شروع ہو جائیں گی: سی ای او  رُوڈا


Post Views:
6

لاہور: راوی اربن ڈیویلپمنٹ اتھارٹی (رُوڈا) کے چیف ایگزیکٹو آفیسر عمران امین کا کہنا ہے کہ راوی کنارے عالمی معیار کا جدید شہر بسایا جا رہا ہے۔ منصوبہ پر آئندہ دوماہ کے دوران تعمیراتی سرگرمیاں شروع ہو جائیں گی۔

لاہور پریس کلب میں میڈیا سے گفتگو کرتے ہوئے ان کا کہنا تھا کہ تین سے چار سال میں نئے شہر کے خدوخال واضح ہوجائیں گے جبکہ منصوبے کے پہلے مرحلے کا آغاز کردیا گیا ہے اور غیرملکی سرمایہ کاروں کو بھی مذکورہ منصوبے میں سرمایہ کاری کی دعوت دی گئی ہے۔

ان کا کہنا ہے کہ منصوبے کو تین مراحل میں تعمیر کیا جائے گا۔ واسا کی طرف سے 3 واٹر ٹریٹمنٹ پلانٹ منظور ہوچکے جبکہ دبئی اور سنگا پور کی طرز کے اس نئے شہر کو پرانے لاہور سے ملانے کیلئے ٹرانسپورٹ کا اعلیٰ ترین نظام بھی متعارف کرایا جا رہا ہے۔




Spread the love

Leave a Reply

Your email address will not be published. Required fields are marked *