ایل ڈی اے کی جانب سے آن لائن پیمنٹ کا نظام متعارف کرانے کا فیصلہ


Post Views:
1

لاہور: لاہور ڈیولپمنٹ اتھارٹی (ایل ڈی اے) نے صارفین کی سہولت کے لیے آن لائن پیمنٹ کا نظام متعارف کرانے کا فیصلہ کیا ہے۔ اس نظام کی مدد سے صارفین ترقیاتی منصوبوں کی مد میں مختلف اقسام کی فیس، اقساط اور دیگر ادائیگیاں آن لائن کر سکیں گے۔

لاہور ڈویلپمنٹ اتھارٹی کے ڈائریکٹر جنرل احمد عزیز تارڑ کی زیر صدارت ایل ڈی اے سٹی، ادائیگیوں کے موجودہ نظام اور دیگر ترقیاتی منصوبوں کا جائزہ لینے کیلئے ایک اہم اجلاس منعقد ہوا۔

اجلاس سے خطاب میں ڈائریکٹر جنرل  کا کہنا تھا کہ مختلف ترقیاتی اسکیموں کی مد میں ادائیگیوں کے حوالے سے صارفین کو ایس ایم ایس اور ای میل کے ذریعے پیشگی آگاہ کیا جائے گا۔

ایڈیشنل ڈائریکٹر جنرل اربن پلاننگ رانا ٹکا خان کے مطابق زمین کی قلت کے پیش نظر موضع رکھ جھیڈو میں شامل اراضی کو بھی ایل ڈی اے سٹی سکیم میں شامل کرنے کا فیصلہ کیا گیا ہے۔

ڈائریکٹر جنرل ایل ڈی اے نے حکام کو ہدایت کی کہ ڈویلپمنٹ پارٹنرز کیساتھ مل کر ایل ڈی اے سٹی میں جاری کام جلدازجلد مکمل کیے جائیں ۔

مزید خبروں اور اپڈیٹس کے لئے وزٹ کیجئے گرانہ بلاگ۔




Spread the love

Leave a Reply

Your email address will not be published. Required fields are marked *